اقش-تىڭ قازىرگى پرەزيدەنتى دونالد ترامپ ۆاشينگتون اكىمشىلىگىنىڭ باسشىسى رەتىندە قوشتاسۋ ۆيدەوسىن جاريالاماق. CNN تەلەارناسىنىڭ مالىمەتىنشە، بەينەجازبا سەيسەنبىدە كورسەتىلەدى.
ۆيدەو ۇندەۋدە ترامپ ءتورت جىلدىق پرەزيدەنت لاۋازىمىنداعى ەڭ ماڭىزدى جەتىستىكتەردى اتاپ وتەدى. سونداي-اق، ۇندەۋدە اق ءۇيدىڭ جاڭا اكىمشىلىگى تۋرالى ايتىلادى.
3 قاراشادا وتكەن پرەزيدەنت سايلاۋىندا رەسمي ناتيجە بويىنشا 306-232 (ەلەكتورلار داۋىسى) ەسەبىمەن دجو بايدەن جەڭىسكە جەتكەن. بىراق ترامپ سايلاۋ ناتيجەسىن مويىنداۋدان باس تارتتى. ترامپتىڭ جاقتاستارى دا بۇل جولعى سايلاۋ ادىلەتسىز ءوتتى، داۋىستار ۇرلاندى دەپ سانايدى.
اقش ۆيتسە-پرەزيدەنتى بولىپ سايلانعان دجوزەف بايدەننىڭ يناۋگۋراتسياسى 20 قاڭتارعا جوسپارلانعان. سلو كۇنى وتەتىن ءراسىم قارساڭىندا اقش-تىڭ بىرنەشە شتاتىندا پرەزيدەنت دونالد ترامپتى جاقتايتىن دەمونسترانتتار جەرگىلىكتى ۇكىمەت عيماراتتارىنىڭ ماڭىنا جينالا باستادى. كەيبىرىنىڭ قولىندا قارۋ بار.
وسىعان بايلانىستى اقش-تىڭ 50 شتاتى مەن كولۋمبيا وكرۋگى سايلانعان پرەزيدەنت دجو بايدەننىڭ يناۋگۋراتسياسىنا بايلانىستى قاۋپىسىزدىك شارالارىن قاتاڭداتتى. ۆاشينگتونعا ۇلتتىق گاۆرديا اسكەرلەرى جىبەرىلدى. ۇلتتىق اللەيا جابىلىپ، كوشەلەرگە قورشاۋلار قويىلدى. مەريلەند، نيۋ-مەكسيكو جانە يۋتا گۋبەرناتورلارى نارازىلىق اكتسيالارىنىڭ الدىن الۋ ءۇشىن توتەنشە جاعداي ەنگىزدى. تەحاس جەرگىلىكتى كاپيتولي عيماراتىن ۋاقىتشا جاپتى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟