تاۋلى قاراباقتاعى جاعدايدى باقىلاۋ ورتالىعىن سالۋ تۋرالى كەلىسىمدەر جۇزەگە اسىرىلىپ جاتىر. بۇگىن تۇركيا ازىربايجانعا 60 ساربازىن جىبەردى. بۇل تۋرالى NTV تەلەارناسىنا تۇركيانىڭ ۇلتتىق قورعانىس ءمينيسترى حۋلۋسي اكار مالىمدەدى.
مينيستر: «ءۇش تاراپ اراسىندا ورتالىق سالۋ تۋرالى بارلىق ۋاعدالاستىقتارعا قول جەتكىزىلدى. ەندى تەك قۇرىلىس پەن قىزمەتكەرلەرگە قاتىستى بىرقاتار ماسەلەلەردى شەشۋ قالدى. ءبىز ساربازدارىمىزدىڭ بەلگىلەنگەن ايماقتا قالۋ مەرزىمىن رەسەي تاراپىمەن تالقىلايمىز. ورتاق جۇمىستاردى تۇرىك جانە ورىس گەنەرالدارى بىرلەسىپ باسقارادى» – دەدى.
9 قاراشادا رەسەي پرەزيدەنتى ۆلاديمير پۋتين، ءازىربايجان پرەزيدەنتى يلحام اليەۆ جانە ارمەنيا پرەمەر-ءمينيسترى نيكول پاشينيان تاۋلى قاراباقتاعى اسكەري وپەراتسيالاردى توقتاتۋ تۋرالى بىرلەسكەن مالىمدەمەگە قول قويدى.
ال 11 قاراشادا تاۋلى قاراباقتا اتىستى توقتاتۋدى باقىلاۋ جونىندەگى رەسەي-تۇرىك بىرلەسكەن ورتالىعىن قۇرۋ تۋرالى مەموراندۋمعا حۋلۋسي اكار مەن رەسەي فەدەراتسياسىنىڭ قورعانىس ءمينيسترى سەرگەي شويگۋ قول قويدى.
نەگىزىنەن تاۋلى قاراباق رەسمي تۇردە ءازىربايجان اۋماعى سانالادى، بىراق بۇل ايماقتا ەتنيكالىق ارمياندار تۇرادى. تاۋلى قاراباقتاعى ارميانداردى ەرەۆان قولداپ وتىر. ءازىربايجان مەن ارمەنيا تاۋلى قاراباق ايماعى ءۇشىن 1988 جىلدان بەرى قاقتىعىسىپ كەلەدى. 1988-94 جىلدارى اراسىنداعى سوعىستا 30 مىڭداي ادام قايتىس بولدى. 1994 جىلى ەكى ەل قاقتىعىستى توقتاتۋ تۋرالى كەلىسىمگە قول قويعان. سول ۋاقىتتان بەرى تاۋلى قاراباق ەتنيكالىق ارميانداردىڭ باقىلاۋىندا. تاۋلى قاراباق ايماعى 1991 جىلى تاۋەلسىزدىك جاريالاپ العان. بىراق ولاردى ارمەنيادان باسقا ەشبىر ەل مويىندامادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟