ۇلىبريتانيادا شىققان كوروناۆيرۋستىڭ وزگەرگەن جاڭا ءتۇرى نيدەرلاند، دانيا جانە اۆستراليادا دا تىركەلدى. بۇل تۋرالى دۇنيەجۇزىلىك دەنساۋلىق ساقتاۋ ۇيىمى حابارلادى.

وسى ماسەلەگە بايلانىستى بەلگيادا ەۋروپالىق وداقتىڭ شۇعىل جينالىسى وتەدى. مالىمەتتەر بويىنشا، ۆيرۋستىڭ جاڭا شتامى ادامدار اراسىندا 70%-عا تەز تارايدى. بىراق قاۋىپتىلىگى جاعىنان بۇرىنعى تۇرىنەن ەرەكشەلەنبەيدى. انگليانىڭ باس دارىگەرى، پروفەسسور كريس ۋيتتي دۇنيەجۇزىلىك دەنساۋلىق ساقتاۋ ۇيىمىنا ەسكەرتۋ جىبەرگەنىن جانە شۇعىل زەرتتەۋ جاسالىپ جاتقانىن جەتكىزدى. ۆيرۋستىڭ باسقا مۋتاتسياسىنىڭ تابىلعانىن وڭتۇستىك افريكا رەسپۋبليكاسىنىڭ دەنساۋلىق ساقتاۋ مينيسترلىگى دە حابارلادى. ونىڭ دا تارالۋ قارقىنى جوعارى.

20-دان استام مەملەكەت ۇلىبريتانيامەن اۋە بايلانىسىن ۋاقىتشا توقتاتتى. ولاردىڭ قاتارىندا كانادا، ەۋروپانىڭبىرواتار ەلدەرى جانە لاتىن امەريكاسى بار. سونىمەن قاتار فرانتسيا بارىس-كەلىستىڭ بارلىق تۇرىنە، ال بەلگيا ۇلىبريتانيامەن تەمىرجول قاتىناسىنا تىيىم سالدى. بۇدان بولەك، نيدەرلاند سۋ جولىن جاباتىنىن ەسكەرتتى.

وسى اپتادا ۇلىبريتانيا انگليانىڭ وڭتۇستىك-باتىسى مەن لوندوندا ءتورتىنشى دەڭگەيلى لوكداۋن ەنگىزگەن. قاتاڭداتىلعان كارانتين كەزىندە روجدەستۆو مەرەكەسىنە بايلانىستى قوعامدىق ءىس-شارالارعا رۇقسات جوق. مەيرامحانالار مەن ءدامحانالار اشىلمايدى. تۇرعىندارعا ۇيدەن سەبەپسىز شىعۋعا تىيىم سالىنعان. بىرنەشە وتباسىنىڭ روجدەستۆونى بىرلەسىپ مەرەكەلەۋىنە دە بولمايدى. شەكتەۋ كەمى 2 اپتاعا سوزىلادى.

"The Qazaq Times"