قازىر الەمدە كوروناۆيرۋس جۇقتىرۋ دەرەگى بويىنشا ەۋروپادا انتيرەكورد ورنادى. سوڭعى ءۇش اپتادا ۆيرۋس قايتا ءورشي تۇسكەن. 

ستاتيستيكا بويىنشا ءبىر اپاتادا شامامەن 20 مىڭنان استام ادام دەرتتەن كوز جۇمادى. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا بريتاندىق شتام ەۋروپانىڭ بارلىق وڭىرىندە انىقتالعان. ساراپشىلار كوروناۆيرۋستىڭ ءبىرىنشى تولقىنىن جەڭىل ەڭسەرگەن ەلدەردىڭ ءوزى قينالىپ قالعانىن ايتادى. قازىر ەۋروپانىڭ 27 ەلىندە تولىق نەمەسە جارتىلاي لوكداۋن ەنگىزىلگەن.

ددسۇ ەۋروپا بويىنشا ايماقتىق ديرەكتورى حانس كليۋگە:«ىندەت ەۋروپانىڭ ورتالىق، شىعىسى مەن باتىسىندا ۋشىعىپ بارادى. جاڭا ناۋقاستاردىڭ سانى 9 پروتسەنتكە ءوستى. دەنساۋلىق ساقتاۋ سالاسىنا اۋىر سوققى بولىپ تۇر. كارى قۇرلىقتىڭ 53 ەلىنىڭ 48-ىندە بريتاندىق شتامم تىركەلدى. قازىر اۋرۋدى باقىلاۋ قيىنعا سوقتى. ۆاكتسيناعا سەنىپ ارقانى كەڭگە سالۋ ءالى ەرتە. سوندىقتان بوساڭسىماي، بارىنشا ساقتانۋ كەرەك»، – دەيدى.

بريتاندىق شتامم دەرەكتەرى كوپ تىركەلگەن گەرمانيا مەن فرانتسيادا ەپيدەميولوگيالىق احۋالدىڭ ناشارلاۋىنا بايلانىستى ءۇشىنشى رەت لوكداۋن ەنگىزىلدى. بىراق فرانتسيادا شەكتەۋ شاراسى دەرتتى جۇقتىرۋ كورسەتكىشى قاۋىپتى دەڭگەيدەن اسقان ايماقتارعا عانا قاتىستى.

لوكداۋن 1 ايعا سوزىلادى. جاڭا تارتىپكە ساي ازىق-تۇلىك پەن تۇرمىسقا اسا قاجەتتى زاتتار ساتاتىن دۇكەندەر عانا جۇمىس ىستەيدى. ءبىر ايماقتان ەكىنشى ايماققا ساپارلاۋعا تىيىم سالىندى.

"The Qazaq Times"