Foto: www.inform.kz

Wlıbritaniyada şıqqan koronavirustıñ özgergen jaña türi Niderland, Daniya jäne Avstraliyada da tirkeldi. Bwl turalı Düniejüzilik densaulıq saqtau wyımı habarladı.

Osı mäselege baylanıstı Bel'giyada Europalıq odaqtıñ şwğıl jinalısı ötedi. Mälimetter boyınşa, virustıñ jaña ştamı adamdar arasında 70%-ğa tez taraydı. Biraq qauiptiligi jağınan bwrınğı türinen erekşelenbeydi. Angliyanıñ bas därigeri, professor Kris Uitti Düniejüzilik densaulıq saqtau wyımına eskertu jibergenin jäne şwğıl zertteu jasalıp jatqanın jetkizdi. Virustıñ basqa mutaciyasınıñ tabılğanın Oñtüstik Afrika Respublikasınıñ Densaulıq saqtau ministrligi de habarladı. Onıñ da taralu qarqını joğarı.

20-dan astam memleket Wlıbritaniyamen äue baylanısın uaqıtşa toqtattı. Olardıñ qatarında Kanada, Europanıñbiröatar elderi jäne Latın Amerikası bar. Sonımen qatar Franciya barıs-kelistiñ barlıq türine, al Bel'giya Wlıbritaniyamen temirjol qatınasına tıyım saldı. Bwdan bölek, Niderland su jolın jabatının eskertti.

Osı aptada Wlıbritaniya Angliyanıñ oñtüstik-batısı men Londonda törtinşi deñgeyli lokdaun engizgen. Qatañdatılğan karantin kezinde Rojdestvo merekesine baylanıstı qoğamdıq is-şaralarğa rwqsat joq. Meyramhanalar men dämhanalar aşılmaydı. Twrğındarğa üyden sebepsiz şığuğa tıyım salınğan. Birneşe otbasınıñ Rojdestvonı birlesip merekeleuine de bolmaydı. Şekteu kemi 2 aptağa sozıladı.

"The Qazaq Times"