گرەك پەن تۇرىك كەيدە تاتۋ، كەيدە قاتۋ قارىم-قاتىناستا بولىپ كەلەدى. فوتو: Anadolu

گرەكيا ەسكەرتۋ جاساپ، تۇركيا ارانداتۋ، ۇركىتىپ-قورقىتۋ ارەكەتتەرىن توقتاتپاسا ەۋروپالىق وداقتان سانكتسيا سالۋدى تالاپ ەتەتىنىن مالىمدەدى. بۇدان بۇرىن تۇركيا پرەزيدەنتى رەجەپ تايىپ ەردوعان  "تۇركيا بۇرىنعى وسمانالى يمپەرياسى باسىپ العان جەرلەردى قورعاۋعا دايىن" دەگەن ماعىناداعى مالىمدەمە جاساعان ەدى. ول سونداي-اق، ەگەي تەڭىزىندە جاساعان اسكەري جاتتىعۋلارى گرەكيانى شوشىتقانىن ماقتانىشپەن ايتقان بولاتىن. 

تۇرىك پرەزيدەنتىنىڭ مالىمدەمەسىمەن قاتار تۇركيا قورعانىس ءمينيسترى حۋلۋسي اكار گرەتسيادان ەگەي تەڭىزىندەگى بىرقاتار ارالدارعا ورنالاستىرىلعان زىمىراندار مەن اسكەري قوندىرعىلاردى جويۋ تۋرالى حالىقارالىق كەلىسىمدەردى ساقتاۋدى سۇراعان بولاتىن.

گرەكيا تۇركيانىڭ ءوتىنىشىن قابىلدامادى. گرەك سىرتقى ىستەر ءمينيسترى نيكوس دەندياس مالىمدەمەسىندە، گرەكيا تۇركيانىڭ ەۋروپالىق وداققا كىرۋ ارەكەتىن كوپتەن بەرى قولداپ كەلە جاتقانىن، الايدا تۇركيا ءوزىنىڭ «دۇشپاندىق» ارەكەتتەرى مەن «ارانداتۋشىلىق» ەسكەرتپەلەرىن توقتاتپاسا،  ەو-دان انكاراعا قارسى سانكتسيا سالۋدى تالاپ ەتەتىنىن ايتقان.

شىعىس جەرورتا تەڭىزىندە مۇناي مەن تابيعي گازدى ءوندىرۋ قۇقىعى بويىنشا گرەك پەن تۇرىك اراسىندا تاريحي تالاس ءالى دە شەشىم تاپپاي كەلەدى. بۇل ەكى ەلدىڭ قارىم-قاتىناسىن شيەلەنىستە ساقتاپ كەلەدى. تۇركيا ءوزىنىڭ قۋاتتى ەكونوميكاسى مەن قارۋلى كۇشتەرىنە سۇيەنىپ گرەكيانى قورقىتقانىمەن افينا بيلىگى ەو سانكتسياسى مەن انكارانى قورقىتىپ كەلەدى.

“The Qazaq Times”