پەنتاگون اۋعانستانعا قاتىستى ستراتەگياسىن وزگەرتە مە؟

اقش قورعانىس مينيسترلىگى اق ءۇي باسشىسى دونالد ترامپتىڭ جوسپارعا سايكەس اۋعانستاننان اسكەرلەردى تولىق شىعاراتىنىن ايتتى. بۇل تۋرالى پەنتاگونداعى دەرەككوزدەرگە سىلتەمە جاساعان NBC تەلەكومپانياسى حابارلادى.

قورعانىس مينيسترلىگىندە اۋعانستاننان اسكەرلەردى كوشىرۋ جوسپارى ازىرلەنۋدە. تەلەكومپانيا اتاپ وتكەندەي، قورعانىس ۆەدومستۆوسىندا امەريكاندىق اسكەري قىزمەتشىلەردى شىعارۋ تۋرالى بۇيرىق سۇريامەن بولعان جاعداي سياقتى كۇتپەگەن جەردەن ءوتۋى مۇمكىن. سونىمەن قاتار، ترامپتىڭ سۇرياعا قاتىستى ءىس-ارەكەتتەرى اۋعانستاندا جۇزەگە اساتىن «باستى جوسپار» دەپ ساناۋعا بولادى.

بۇعان دەيىن The New York Times گازەتى اقش-تىڭ اۋعانستاننان 2 مىڭ اسكەردى الىپ شىققانىن حابارلادى. باسىلىم مالىمەتتەرى بويىنشا، اۋعانستانداعى اقش پەن ناتو اسكەرلەرىنىڭ قولباسشىسى گەنەرال-لەيتەنانت وستين سكوتت ميللەر وسى ەلدەگى اسكەرلەردىڭ سانى شامامەن 12 مىڭ ادامعا دەيىن قىسقارعانىن راستادى.

The New York Times اتاپ وتكەندەي، ۋاشينگتون ازىرشە اقش اسكەرىن اۋعانستاننان شىعارۋدى قاراستىراتىن «تاليبان» راديكالدى قوزعالىسىنىڭ وكىلدەرىمەن كەلىسىمگە كەلە الماۋىنا قاراماستان جۇزەگە اسپاق.

جەكسەنبىدە اقش قورعانىس ءمينيسترى مارك ەسپەر اۋعانستان پرەزيدەنتى اشراف گانيمەن كەزدەسۋ بارىسىندا تەرروريزممەن كۇرەس جانە ەكى جاقتى قارىم-قاتىناس ماسەلەلەرىن تالقىلاعان. پەنتاگون باسشىسىنىڭ ايتۋىنشا، قۇراما شتاتتاردىڭ اۋعانستانداعى اسكەرلەرى سانىنىڭ قىسقارۋى وسى ەلدەگى تەرروريستىك توپتارمەن كۇرەسۋگە ىقپال ەتەدى.

ەستەرىڭىزگە سالايىق، 19 جەلتوقساندا ترامپ ءسۇريا اۋماعىنان اقش اسكەرىن شىعارۋعا بايلانىستى جارلىققا قول قويعان. ول ءوزىنىڭ بۇل قادامىن «يسلام مەملەكەتى» تەررورلىق ۇيىمىنىڭ جەڭىلىس تابۋىمەن بايلانىستىرىپ، اقش اسكەرىنىڭ بۇدان ءارى ءسۇريا اۋماعىندا قالۋىنا ەشقانداي نەگىز جوق ەكەندىگىن ايتقان.

"The Qazaq Times"