سىناقتىڭ ءۇشىنشى فازاسى: توپجارعان قوس ۆاكتسينا جانە رەسەيدىڭ «كۇماندى» ەكپەسى

قازىرگە دەيىن الەمدە ەكى ۆاكتسينا كلينيكالىق سىناقتىڭ سوڭعى ءۇشىنشى فازاسىن اياقتادى. تاعى ون ەكپە سىناقتىڭ سوڭعى كەزەڭىنەن وتكىزىلىپ جاتىر. سىناقتان ءساتتى ءوتىپ، كوروناۆيرۋستى ەمدەۋدە 90%-دان ارتىق دالدىك كورسەتكەن ۆاكتسينالار قاتارىندا Pfizer, BioNTech فارماتسەۆتيكالىق كومپانياسى جاساعان ەكپە جانە امەريكالىق مoderna ەكپەسى بار. تيىمدىلىگى جوعارى ەكپە انىقتالعان كۇن «ادامزات پەن عىلىم ءۇشىن ۇلى كۇن» دەپ باعالاندى.

امەريكالىق Pfizer جانە ونىڭ گەرمانيالىق سەرىكتەسى BioNTech كومپانياسى بىرلەسىپ ازىرلەگەن ۆاكتسينانىڭ تيىمدىلىگى كلينيكالىق سىناقتا 90%-دان ارتىق وڭ ناتيجە كورسەتكەن. عىلىمي زەرتتەۋ جۇمىسىنا الەمنىڭ 6 ەلىنەن 43 مىڭ 500 ەرىكتى قاتىسقان. ماماندار پرەپاراتتىڭ ءبىر دە ءبىر جاناما اسەر بەرمەگەنىن سەنىممەن ايتىپ وتىر. زەرتتەۋ جۇمىستارىنا اقش، گەرمانيا، برازيليا، وڭتۇستىك افريكا، ارگەنتينا مەن تۇركيا ەلدەرىنەن شامامەن 43 مىڭنان استام ادام قاتىسقان. ەرىكتىلەرگە پرەپاراتتىڭ ەكى دوزاسى ەگىلگەن. شىلدەدە باستالعان كلينيكالىق سىناق قورىتىندىسى بويىنشا ەكىنشى رەت ەگىلگەن ەكپەدەن كەيىن 7 كۇن وتىسىمەن ادام اعزاسىنداعى كوروناۆيرۋسقا قارسى قورعانىس 90% بولدى. ءسويتىپ بۇل – جاپپاي سىناقتان ءساتتى وتكەن العاشقى ەكپە.

كومپانيا ۇلىبريتانياعا 30 ملن، اقش-قا 100 ملن جانە جاپونياعا 120 ملن دوزا جولداۋ تۋرالى كەلىسىمگە كەلگەن.

ۆيرۋستى ەمدەۋدە تيىمدىلىگى جوعارى بولعان ەكىنشى ۆاكتسينا – امەريكالىق مoderna. تيىمدىلىگى – 94,5%. ەكپەنىڭ سىناعىنا 30 مىڭ ەرىكتى قاتىسقان. سولاردىڭ 95-ءى ۆيرۋس جۇقتىرعان. كوبىندە اۋرۋ جەڭىل نە ورتاشا اۋىر فورمادا وتكەن. ءتيىستى جاڭالىق بىردەن قور نارىعىنا اسەر ەتتى. ءسويتىپ Moderna اكتسيالارى 18%-عا قىمباتتاعان.

مoderna ەكپەسىنىڭ Pfizer-دەن باستى ايىرماشىلىعى – ەكپەنى وتە سۋىق توڭازىتقىشتا ساقتاۋدىڭ قاجەتى جوق. Moderna ۆاكتسيناسى 2-8 گرادۋس تەمپەراتۋرادا 30 كۇندەي، ال -20 گرادۋستا التى ايداي ساقتالادى. ال Pfizer ۆاكتسيناسىن ساقتاۋ ءۇشىن -70 گرادۋس تەمپەراتۋرا قاجەت. اتالعان ەكپەنىڭ سىناعىنا ەكپەسىنىڭ سىناعانى 30 مىڭداي ادام قاتىسقان. كومپانيانىڭ مالىمدەۋىنشە، سىناق كەزىندە ۆاكتسينا Covid دەرتىنىڭ اۋىر تۇرىنەن دە قورعايتىنى انىقتالعان.

بۇعان دەيىن رەسەي بيلىگى سىناقتىڭ ءۇشىنشى فازاسى اياقتالماي جاتىپ ەكى ۆاكتسينا – Sputnik V جانە «ەپيۆاككورونا» ەكپەسىنىڭ تىركەلگەنىن حابارلاعان. قازاقستان مەن رەسەي «Sputnik V» جەتكىزۋ تۋرالى كەلىسىمگە دە كەلگەن. اتالعان ەكپە بويىنشا سىناققا 40 مىڭ ەرىكتى قاتىسقان. ۆاكتسينا ءۇندىستان، ۆەنەسەۋلا جانە بەلارۋستە كلينيكالىق سىناقتان وتكىزگەن. بىراق حالىقارالىق ساراپشىلار سىناقتىڭ ءۇشىنشى كەزەڭى اياقتالماعان رەسەيلىك ۆاكتسيناعا كۇمانمەن قارايدى. سەبەبى «Sputnik V» ەكپەسىن العان كەيبىر ەرىكتىلەردەن كوروناۆيرۋس تابىلعان.

پاندەميانىڭ ەكىنشى تولقىنى بەلەڭ العان تۇستا يتاليادا ادام جاسۋشاسىنداعى كوروناۆيرۋستى بەيتاراپتاندىراتىن، ياعني، جويىپ جىبەرەتىن ۆاكتسينا ازىرلەندى. عالىمداردىڭ سوزىنشە، تىشقاندارعا ءبىر رەت پرەپاراتتى سالعاننان كەيىن ۆيرۋستى «بۇعاتتايتىن» انتيدەنە پايدا بولعان. جالپى بەس ۆاكتسينا ازىرلەنگەن. ونىڭ ءبارى ءساتتى اياقتالعان. ەكەۋى ۆيرۋس ادام جاسۋشاسىنا ەنۋ ءۇشىن پايدالاناتىن دنق اقۋىزىنا نەگىزدەلگەن ۆاكتسينا. لاززارو سپاللانتسانيداعى جۇقپالى اۋرۋلار ەمحاناسىندا تىشقاندارعا جۇرگىزىلگەن تاجىريبە وڭ ناتيجە بەرگەن. قازىرگى ۋاقىتتا ەكپە سىناقتان وتكىزىلىپ جاتىر.

دەرتكە قارسى ەكپە تاقىرىبىندا قازاقستان دا قالىس قالعان جوق. COVID-19-عا قارسى ۆاكتسينا ازىرلەگەن قازاقستاندىق عالىمدار يناكتيۆتەلگەن نەمەسە «ولتىرىلگەن» ۆاكتسينانى كلينيكاعا دەيىنگى سىناقتان وتكىزگەن. كەيىننەن دۇنيەجۇزىلىك دەنساۋلىق ساقتاۋ ۇيىمى قازاقستاندىق عالىمداردىڭ ۆاكتسيناسىن تىركەپ، ءوزىنىڭ رەسمي سايتىنا ورنالاستىردى. ۆاكتسينا كلينيكاعا دەيىنگى سىناققا رۇقسات ەتىلگەن، كوروناۆيرۋسقا قارسى ۆاكتسينا كانديداتتارىنىڭ تىزىمىنە ەندى. قازاقستاندىق ۆاكتسينا ەلىمىزدىڭ اۋماعىندا اۋىرعانداردان بولىنگەن ۆيرۋس شتامى نەگىزىندە جاسالعان. ەندى عالىمدار بىرقاتار كلينيكاعا دەيىنگى جانە كلينيكالىق سىناقتار وتكىزۋى ءتيىس.

"The Qazaq Times"