كوروناۆيرۋسقا قارسى Turkovac ەكپەسى سىناقتىڭ ەكى كەزەڭىنەن ءساتتى ءوتتى. پرەپاراتتار قازىر كلينيكالىق سىناقتىڭ ءۇشىنشى فازاسىندا.

ەكپەنى تۇركياداعى ەرجيەس ۋنيۆەرسيتەتى مەن دەنساۋلىق ساقتاۋ مينيسترلىگى بىرلەسىپ جاساعان. سىناققا 40 مىڭنان استام ەرىكتى قاتىسۋى كەرەك بولعان. از ۋاقىت ىشىندە اتالعان ۆاكتسينا سىناعىنا قاتىسۋ ءۇشىن 850 مىڭعا جۋىق ەرىكتىدەن ءوتىنىش تۇسكەن.

ەل پرەزيدەنتى رەجەپ تايىپ ەردوعان جەرگىلىكتى باسىلىمدارعا سۇحباتىندا: «ەلىمىزدى ەپيدەميا قۇرساۋىنان تەزىرەك قۇتقارۋ ءۇشىن جانە حالقىمىزدىڭ ءال-اۋقاتىن قامتاماسىز ەتۋ ءۇشىن وتاندىق ۆاكتسينانىڭ بولۋى وتە ماڭىزدى. كلينيكالىق سىناق ءۇشىنشى فازاعا ءوتتى. دەمەك، جاقىن ارادا جەرگىلىكتى پرەپارات قولدانىسقا ەنەدى. سىناق جۇمىستارى دەر كەزىندە اياقتالىپ، وتاندىق ۆاكتسيناعا قول جەتەتىن كەز جاقىن دەپ ۇمىتتەنەمىن. ازاماتتاردى ەكپە سالدىرۋ ارقىلى الەۋمەتتىك جاۋاپكەرشىلىككە شاقىرامىن»، – دەدى.

ەگەر تۇرىك ەكپەسى سىناقتىڭ سوڭعى فازاسىنان ءساتتى وتسە، كۇزدە قولدانىسقا بەرىلمەك.

"The Qazaq Times"