قارجىلىق مونيتورينگ اگەنتتىگى قازاقستاننىڭ ەكس-دەنساۋلىق ساقتاۋ ءمينيسترى ەلجان ءبىرتانوۆ ىسىنە بايلانىستى تۇسىنىكتەمە بەردى. 29 قىركۇيەك كۇنى ۆەدومستۆونىڭ رەسمي سايتىندا ارنايى حابارلاما جاريالاندى.
اگەنتتىك تاراتقان اقپاراتقا قاراعاندا، ۆەدومستۆو ءبىرتانوۆ پەن ونىڭ ورىنباسارى ولجاس ابىشەۆكە قاتىستى سوتقا دەيىنگى تەرگەپ-تەكسەرۋدى شىلدە ايىندا اياقتاعان. بىراق اگەنتتىك قىلمىستىق-پروتسەستىك كودەكستىڭ 201-بابىنا سايكەس سوتقا دەيىنگى تەرگەپ-تەكسەرۋ دەرەكتەرى جاريا ەتۋگە جاتپايتىنىن حابارلاعان.
ءبىرتانوۆ دەنساۋلىق ساقتاۋ مينيسترلىگىنىڭ اقپاراتتاندىرۋ پلاتفورماسىن جارامسىز بولسا دا قابىلداپ، "ىسكە قوسقانى ءۇشىن" ايىپتالعان.
"پلاتفورما دەنساۋلىق ساقتاۋ جۇيەسىندەگى ماسەلەلەردى جەدەل شەشۋ ءۇشىن ناۋقاستار، ءدارى-دارمەكتەر جانە مەديتسينالىق بۇيىمدار تۋرالى بارلىق اقپاراتتى بىرىكتىرۋى ءتيىس ەدى. بىراق پلاتفورما ەشقاشان جۇمىس ىستەمەگەن جانە ونى مەديتسينالىق مەكەمەلەر پايدالانبايدى. بۇل جينالعان دالەلدەر بويىنشا راستالادى. ورىندالماعان جۇمىس قۇنى 4,1 ملن اقش دوللارىن نەمەسە 1,5 ملرد تەڭگەنى قۇرايدى" دەلىنگەن اگەنتتىكتىڭ 29 قىركۇيەكتەگى حابارلاماسىندا.
اگەنتتىك مالىمەتىنشە، ءبىرتانوۆ سانيتارلىق اۆياتسيانىڭ اۋە كەمەسىن 2020 جىلدىڭ ماۋسىم ايىندا جەكە ماقساتتا پايدالانۋ كەزىندە "وكىلەتتىكتەرىن اسىرا پايدالاندى" دەگەن كۇدىككە دە ىلىنگەن.
ازاتتىق راديوسىنىڭ جازۋىنشا، 28 قىركۇيەك كۇنى ەلجان ءبىرتانوۆتىڭ اعاسى ەرجان ءبىرتانوۆ پرەزيدەنت قاسىم-جومارت توقاەۆقا ۇندەۋ جاساپ، "زاڭسىزدىقتى توقتاتۋعا" شاقىرعان. ول پرەزيدەنتكە جولداعان ۇندەۋىندە باۋىرىنا تاعىلعان ايىپ جالعان تۇجىرىمدارعا نەگىزدەلگەنىن ايتىپ، قىلمىستىق ءىستى توقتاتۋدى سۇراعان. قورعاۋ تارابىنىڭ ايتۋىنشا، "اقپاراتتىق تەحنولوگيا سالاسىندا جەتەكشى ورىنعا يە ءىرى كومپانيا ازىرلەگەن پلاتفورما" جۇمىس ىستەپ تۇر جانە ونى ەنگىزۋ پروتسەسى ءالى تولىق اياقتالماعان.
50 جاستاعى ەلجان ءبىرتانوۆ "اسا كولەمدەگى بيۋدجەت قارجىسىن جىمقىردى" دەگەن كۇدىكپەن 2020 جىلدىن 7 قاراشاسىنان بەرى ۇيقاماقتا وتىر. ونىڭ ۇيقاماق مەرزىمى بۇعان دەيىن بىرنەشە رەت ۇزارتىلعان. ول وزىنە تاعىلعان ايىپتاردى جوققا شىعارادى.
ءبىرتانوۆ 2017 جىلدىڭ قاڭتارىنان 2020 جىلدىڭ ماۋسىمنىڭ سوڭىنا دەيىن دەنساۋلىق ساقتاۋ ءمينيسترى قىزمەتىن اتقارعان. ول كوروناۆيرۋسپەن اۋىرعاندار سانى كۇرت كوبەيىپ، اۋرۋحانالاردا ورىن جەتپەي قالعان تۇستا وتستاۆكاعا كەتكەن. ونىڭ ورنىنا الەكسەي تسوي قىزمەتكە كەلدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى