قىرعىز رەسپۋبليكاسىندا 5 قازاندا باستالعان ەرەۋىلدەر مەن ساياسي دۇردارازدىقتاردان ەل ەكونوميكاسىنا 8 ملرد سوم كولەمىندە شىعىن كەلگەن. شەتەلدىك ينۆەستورلاردان تۇسۋگە ءتيىستى 210 ملن اقش دوللار كولەمىندە ينۆەستيتسيا تۇسپەي قالعان. بۇل 10 قازانعا دەيىنگى ەكونوميكالىق شىعىنداردىڭ ەسەبى. بۇل تۋرالى قىرعىزستانداعى بيزنەس اسسوتسياتسيالارىنىڭ ۇلتتىق اليانسى مالىمدەدى.

بىشكەكتەگى ەرەۋىلدەر مەن ساياسي توپتار اراسىنداعى قايشىلىقتاردان ەلدەگى مەملەكەتتىك جانە جەكەمەنشىك ءىرى كومپانيالار ينۆەستيلارىن جوعالتقانى ايتىلۋدا. بۇنىڭ قاتارىندا قىرعىزستاننىڭ ەنەرگەتيكا سالاسىنا ينۆەستيتسيا تارتۋشى ءىرى كومپانيا ASEC ينۆەستيتسيالىق كومپانياسى دا بار.

قىرعىز ءسىم باسشىسى شىڭعىس ايداربەكوۆ تە كەشەگى مالىمدەمەسىندە، ينۆەسترلاردان جانە كەلىسىمدەردەن قول ءۇزىپ قالۋ الدا دا جالعاسۋى مۇمكىن ەكەنىن، بۇل ەلدىڭ ءىرى كولەمدەگى ينۆەستيتسيالىق جوعالتۋ قورقىنىشىنا الىپ باراتىنىن ايتقان.

ەلدىڭ ورتالىق قالاسىنداعى جاعداي جەرگىلىكتى بيزنەس تارماقتارىنا دا ۇلكەن اسەرىن تيگىزگەن. 5 قازاندا باستالعان دۇربەلەڭدەردەن كەيىن ورتا-شاعىن بيزنە پەن قوعامىق جۇيەلەر ءالى دە تولىق قالپىنا كەلىپ بولمادى.

“The Qazaq Times”