حالىقتىڭ نەسيەسى جىل باسىنان بەرى 3,7%-كە ءوسىپ، 6,9 ترلن تەڭگەگە دەيىن جەتكەن. بۇل تۋرالى بۇگىن ۇكىمەت وتىرىسىندا ۇلتتىق بانك باسشىسى ەربولات دوساەۆ مالىمدەدى.
ونىڭ ىشىندە تۇتىنۋشىلىق قارىز 0,6%-كە تومەندەپ، 4,2 ترلن تەڭگەنى ماڭايلاعان. سونداي-اق، مەملەكەتتىك باعدارلامالاردىڭ ەسەبىنەن يپوتەكالىق قارىزدار 14,6%-كە ارتىپ، كولەمى 2 ترلن تەڭگەگە دەيىن ۇلعايعان.
ەكونوميكاعا سالىنعان كرەديت بيىل تامىزدىڭ سوڭىندا 2,4%-كە (نەمەسە 328,2 ملرد تەڭگەگە) ءوسىپ، 14,2 ترلن تەڭگە بولعان. ۇزاق مەرزىمدى كرەديتتەر 3,1%-كە (372,3 ملرد تەڭگە) ارتىپ، 12,2 ترلن تەڭگەگە دەيىن ءوسىپتى. قىسقا مەرزىمدى كرەديتتەر كەرىسىنشە، 2,2%-كە قىسقارىپ، ونىڭ كولەمى 2 ترلن تەڭگەنى كورسەتتى.
بيزنەستىڭ نەسيە پورتفەلى بيىلعا 1,2%-كە كوبەيىپ، 7,3 ترلن تەڭگەگە جەتكەن.
«بيزنەسكە بەرىلەتىن تەڭگەدەگى كرەديتتەر بويىنشا ستاۆكا تامىز ايىندا 11,9% (2019 جىلعى تامىزدا 11,9%) بولدى، ونىڭ ىشىندە قىسقا مەرزىمدى كرەديتتەر بويىنشا – 11,6% (بىلتىر دا 11,6%), ۇزاق مەرزىمدى كرەديتتەر بويىنشا تامىز ايىندا 13,4%-تەن 12,8%-كە دەيىن تومەندەدى، – دەدى باس بانكير.
بۇعان دەيىن ءماجىلىس دەپۋتاتىامانجان جامالوۆ قارجى نارىعىن رەتتەۋ جانە دامىتۋ اگەنتتىگىنىڭ توراعاسى ءمادينا ابىلقاسىموۆانىڭاتىنا دەپۋتاتتىق ساۋال جولداپ، نەسيە تاريحىن «نولگە تەڭەستىرۋدى» جانە قارىزىن وتەگەن بورىشكەرلەردى بانكتىڭ قارا تىزىمىنەن ءوشىرۋدى ۇسىنعان بولاتىن. دەپۋتاتتىڭ پايىمداۋىنشا، مۇنداي شەشىم تۇرعىنداردى پايىزدىق موشەرلەمەسى وتە جوعارى قارىز بەرەتىن مقۇ مەن لومباردتارعا ۇرىنىپ قالۋدان ساقتايدى.
بۇعان دەيىن ماجىلىسمەندەر زاڭدا شاعىن قارجى ۇيىمدارى بەرەتىن نەسيەنىڭ پايىزدىق مولشەرلەمەسىن تومەندەتۋ كەرەكتىگىن قاراستىرۋ ماسەلەسىن كوتەرگەن ەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟