حاوس ەپيتسەنترى نەمەسە كلينتوننىڭ ترامپ تۋرالى كوزقاراسى

اقش-تىڭ بۇرىنعى پرەزيدەنتى بيلل كلينتون (1993-2001) ەلدىڭ قازىرگى ليدەرى دونالد ترامپ باسقارۋىنداعى اق ءۇي حاوس ەپيتسەنترىنە اينالدى دەپ سانايدى. ەكس-پرەزيدەنت ميلۋوكيدە (ۆيسكونسين) ۆيرتۋالدى رەجيمدە ءوتىپ جاتقان اقش دەموكراتيالىق پارتياسىنىڭ ۇلتتىق سەزىندەگى جاعدايعا قاتىستى ءوز كوزقاراسىن بىلدىرگەن.

كلينتون رەسپۋبليكالىق پارتيا وكىلى دونالد ترامپتىڭ پرەزيدەنتتىگىن ۆاكۋمعا بالاپ، ونى مەملەكەتتى دايەكتى باسقارۋدى ورناتا المادى دەپ ايىپتادى. «دونالد ترامپ امەريكانىڭ الەمدە جەتەكشى ورىنعا يە ەكەنىن ايتادى. الايدا ءبىز جۇمىسسىزدىق دەڭگەيى ءۇش ەسە وسكەن جالعىز، ءارى ءىرى يندۋستريالدى ەلمىز. مۇنداي ۋاقىتتا اق ءۇي كەڭسەسى تۇتاس ۇجىمدىق ورتالىققا اينالىپ، ماسەلەنى شەشۋى ءتيىس. بىراق اق ءۇي حاوس ەپيتسەنترىنە اينالدى. بۇل جولعى سايلاۋدا ءبزدىڭ تاڭداۋىمىز – دجو بايدەن. ەگەر ترامپ ەكىنشى مەرزىمگە پرەزيدەنت بولىپ قايتا سايلانعان جاعدايدا، امەريكانى تاعى ءتورت جىل ايىپتاۋ، اشۋلانشاقتىق جانە قورلاۋ كۇتەدى»، – دەيدى بيلل كلينتون.

ەكس-پرەزيدەنت ترامپ اكىمشىلىگىنىڭ پاندەميامەن كۇرەس جونىندەگى ءىس-ارەكەتتەرىنە جەكە توقتالىپ، اقش-تاعى ءولىم سانى 200 مىڭعا جاقىنداپ كەلە جاتقانىن، جۇمىسسىزددىق ماسەلەسى مەن داعدارىسقا ۇشىراعان كاسىپورىنداردىڭ سانى ارتقانىن ايتتى. ول پرەزيدەنت باراك وباما مەن بايدەننىڭ تۇسىندا اقش-تاعى جۇمىسپەن قامتۋ التى جىلدان استام ۋاقىت قاتارىنان وسكەنىن ەسكە سالدى.

اقش-تىڭ 42-ءشى پرەزيدەنتى بولعان كلينتون ءوزىنىڭ شەشەندىك ونەرىمەن تانىمال. ونىڭ ترامپ تۋرالى مالىمدەمەسى دەموكراتيالىق پارتيانىڭ سەزىندەگى 11-ءشى مالىمدەمەسى. ولاردىڭ ىشىندە 2012 جىلى شارلوتتا قالاسىندا جەرگىلىكتى باقىلاۋشىلارمەن وتكەن كەزدەسۋدە كلينتون باراك وبامانىڭ ەكىنشى مارتە پرەزيدەنت بولۋى جايلى مالىمدەمەسى بار.

اقش دەموكراتيالىق پارتياسىنىڭ ۇلتتىق كونگرەسى 20 تامىزعا دەيىن وتەدى. دەلەگاتتار قاراشاداعى دجوزەف بايدەن ەل پرەزيدەنتتىگىنە ۇمىتكەر رەتىندە بەكىتىلدى. سونىمەن قاتار، دەموكراتتار پاندەميا، ەكونوميكالىق جاعداي، جاپپاي جۇمىسسىزدىق جانە ناسىلدىك تەڭسىزدىك ماسەلەلەرىن تالقىلاپ، كاليفورنيا شتاتىنىڭ سەناتورى كامالۋ ءحارريستى ۆيتسە-پرەزيدەنتتىككە ۇمىتكەر رەتىندە بەكىتۋدى جوسپارلاپ وتىر.

"The Qazaq Times"