كوۆيد جانە كوروناۆيرۋستىق پنەۆمونيا اۋرۋلارى تۋرالى ستاتيستيكا كەم دەگەندە 2-3 اپتادان كەيىن بىركتىرىلمەك. بۇعان دەيىن تاعايىندالعانىنا ايدان اسقان دەنساۋلىق ساقتاۋ ءمينيسترى الەكسەي تسوي حالىقارالىق رەسۋرستاردا ەكى كود بويىنشا جيىنتىق ەسەپتى جاريالاۋعا نەبارى 1-2 كۇن قاجەت دەگەن ەدى. 

بۇل تۋرالى جۇمادا ورتالىق كوممۋنيكاتسيالار قىزمەتى بريفينگىندە مينيسترلىك وكىلى باعدات قوجاحمەتوۆ مالىمدەدى.

«شىلدەنىڭ ورتاسىنان باستاپ دەرەكتەردى ەنگىزۋ بويىنشا دارىگەرلەردى دايارلاۋ جانە كومپيۋتەرلىك جۇيەنى جاڭارتۋ باعىتىندا جۇمىس ىستەپ كەلەمىز. ءبىز 1 تامىزدان باستاپ جاڭارتىلعان فورماتتا كۇندەلىكتى اقپارات بەرۋ جونىندەگى سوزىمىزدە تۇردىق. ارينە، كەمشىلىك جوق ەمەس، رەسمي مالىمەتتى تاڭەرتەڭگى 9-عا دەيىن جاريالاۋعا ۋادە ەتكەن ەدىك. بىرنەشە كۇن بويى ادام فاكتورىنا بايلانىستى تۇسكە قاراي بەرىلىپ كەلدى. قازىر دايىندىق پروتسەسى ءجۇرىپ جاتىر»، – دەدى قوجاحمەتوۆ.

سونىمەن قوسا، ول قازىرگى تاڭدا دەنساۋلىق ساقتاۋ مينيسترلىگى «كۇندەلىكتى دەرەكتى ءوزارا، تەرىس جانە وڭ اناليز قورىتىندىسىن سالىستىرعاننان گورى اپتا سايىن جيىنتىق ەسەپتى سالىستىرعان ءجون» دەگەن ۇستانىمدا ەكەنىن جەتكىزدى.

«مىنە، وسى ارقىلى ءبىز 17 تامىز كارانتين اياقتالعاننان كەيىنگى باعدارامىزدى شەشەتىن شىنايى جاعدايدى كورە الامىز»، – دەپ تولىقتىردى جاڭا ءمينيستردىڭ جاڭا وكىلى.

جارتى ايدان بەرى بىرىكتىرۋگە ۋادە بەرىپ كەلە جاتقان قازاقستان ۇكىمەتى بۇل  جولى دا «ءوز دەدلاينىن ءوزى ۇزارتىپ» العانداي. ستاتيستيكا قاشان ءبىرتۇتاس  كۇيدە جاريالانادى دەگەن ساۋالعا شەنەۋنىك «كەم دەگەندە ەكى نە ءۇش اپتادا، ياعني ءار اپتانىڭ دەرەگىن سالىستىرۋ ارقىلى جالپى جاعدايدى كورە الاتىن كەزدە عانا» دەپ جاۋاپ قاتتى.

«اۋىرعاندار تۋرالى اقپاراتتى ددسۇ-عا وتكىزدىك. ۇيىم مۇنىمەن جۇمىس ىستەپ، وڭدەپ، ەسەپتەيدى. سودان سوڭ قازاقستانداعى جاعداي حالىقارالىق ستاتيستيكادا جاريالانادى.  ...ددسۇ-عا بەرىلگەن مالىمەت تەحنيكالىق وڭدەۋ ساتىسىنان ءوتىپ جاتىر. ەكى كۇندە كورەسىزدەر. مۇندا قاندايدا ءبىر ماسەلە بار دەپ ويلامايمىن. بازاعا ەنگىزىلگەن دەرەك حالىقارالىق اقپاراتتىق رەسۋرستاردا جاريالاناتىن بولادى. ەشكىم ەشتەڭەنى جاسىرىپ نە قاشقاقتاپ وتىرعان جوق»، – دەدى مينيستر 3 تامىز كۇنگى ءباسپاسوز جيىنىندا.

بۇعان دەيىن اپتا باسىندا، 3 تامىز كۇنى دەنساۋلىق ساقتاۋ ءمينيسترى الەكسەي تسوي جيىنتىق ستاتيستيكا ۇزاعاندا ەكى كۇندە جاريالاناتىنا سەندىرىپ، ۋادە بەرگەن ەدى. ءمينيستردىڭ ايتقان ۋاقىتىنان كەشىگىپ، ءۇشىنشى كۇنى وتكەن جيىندا ەكى كۇندە حالىقارالىق دەرەكقور رەسۋرستارىندا جاريالاناتىنى ايتىلعان. بىراق ددسۇ-نىڭ ۇسىنىسى ءارى زايىرلى ەلدەردىڭ ەرتە باستاعان امالى بىزدە ادەتتەگىدەي تاعى 14-20 كۇنگە سوزىلماق.

سونىمەن قاتار، مينيستر تسوي وسى جيىندا اپتا ىشىندە كوروناۆيرۋستىق پنەۆمونياعا شالدىققانداردىڭ ايماقتىق ەسەبىن  جاريالاۋعا ءسوز بەرگەن. الايدا ءالى كۇنگە دەيىن بۇل جونىندە تولىققاندى اقپارات بەرىلمەدى.

"The Qazaq Times"