قازاقستاندا ۆيرۋس جۇقتىرعاندار سانى 33 مىڭنان استى

رەسمي مالىمەت بويىنشا، COVID-19 جۇقتىرعاندار سانى 33 مىڭنان استى.  

قازاقستاندا وتكەن تاۋلىكتە كوروناۆيرۋس ينفەكتسياسىن جۇقتىرعان، اۋرۋ بەلگىسى بايقالاتىن 465 ادام تىركەلدى. ءوسىم 2,4%-دى كورسەتىپ تۇر. قازىرگى تاڭدا اۋرۋحانادا ەم الىپ جاتقان ناۋقاستاردىڭ سانى 7 390. سونداي-اق COVID-19 ينفەكتسياسى 883 سيمپتومسىز تاسىمالداۋشىدان انىقتالعان. 3 ماۋسىمنان باستاپ ولار بولەك ساناتقا جاتقىزىلىپ، جالپى ستاتيستيكاعا ەنگىزىلمەيتىن بولدى. ساراپشى دارىگەرلەر ەكىجاقتى ەسەپتەۋدىڭ دۇرىس ەمەس ەكەنىن، «ستاتيستيكانى مانيپۋلياتسيالاۋ ءۇشىن» جاسالعان ايلا دەپ سانايدى. دەگەنمەن قازاقستاننىڭ دەنساۋلىق ساقتاۋ مينيسترلىگى قىتاي مەن رەسەيدىڭ «بۇركەمەلەۋ ءادىسىن» قولدانۋدى توقتاتار ەمەس.

25 ماۋسىمدا انىقتالعان سيمپتومدى ناۋقاستاردىڭ رەسپۋبليكا بويىنشا ەڭ كوپ تىركەلگەن وڭىرلەرى:

• استانا – 67 (+1,9%);
• شىعىس قازاقستان وبلىسى – 54 (+9,7%);
• قاراعاندى وبلىسى – 46 (+2,3%);
• باتىس قازاقستان وبلىسى – 38 (+3,0%);
• شىمكەنت – 36 (+2,5%).

*قازاقستانداعى ۆيرۋس جۇققان، بىراق سيمپتومى بار-جوعىنا بايلانىستى تىركەۋدىڭ جاڭا ەسەبى

ەپيدەميا باستالعالى بەرى 12 220 ادام جازىلىپ شىعىپ، 147 ادام ۆيرۋستىڭ تۋرا اسەرىنەن، ال 54 ادام جاناما اسەرىنەن قايتىس بولدى.

“The Qazaq Times”