قازاقستاندا كوروناۆيرۋستان كوز جۇمعاندار سانى تاعى دا ارتتى. بۇل جايىندا  قازاقستاندا Covid-19 ۆيرۋسىن تاراتپاۋ جونىندەگى ۆەدومستۆوارالىق كوميسسيا حابارلادى.

رەسمي اقپارات بويىنشا ەل اۋماعىندا سوڭعى تاۋلىكتە ينفەكتسيادان كوز جۇمعاندار سانى 127 ادامعا جەتتى. ونىڭ 7-ءى استانا پوليكلينيكالارىندا، 1-ءى  قوستاناي وبلىسىندا قايتىس بولعان.

ەلوردادا 1967, 1956, 1962 جانە 1975 جىلعى ءتورت ەر ادام، 1967 جانە 1951 جىلعى ەكى ايەل ادام ينفەكتسيا سەبەبىنەن جان تاپسىرعان.  ال، قوستاناي وبلىسىندا 1949 جىلى دۇنيەگە كەلگەن ەر ادام كوز جۇمدى دەلىنەدى رەسمي مالىمەتتە.

بيلىك وكىلدەرى بۇل ازاماتتاردىڭ ولىمىنە تىكەلەي كوروناۆيرۋس سەبەپشى بولدى دەپ وتىر. بۇعان دەيىن قايتىس بولعاندار سانى مەن ينفەكتسيادان كوز جۇمعاندارعا ارنالعان زيراتتاعى قورىم سانىنا قاتىستى داۋ تىۋىنداعان ەدى. باق وكىلدەرى مەن الەۋمەتتىك جەلىدەگى بەلسەندىلەر رەسمي ورگانداردان بۇل سايكەسسىزدىكتى ءتۇسىندىرىپ بەرۋدى سۇراعان. بۇعان قاتىستى بيلىك وكىلدەرى «پاندەميا كەزىندە قايتىس بولعانداردىڭ بارلىعى بىردەي ينفەكتسيادان كوز جۇمدى دەي المايمىز. ولاردىڭ ولىمىنە سەبەپشى بولعان وزگە اۋرۋلار.سوندىقتان، رەسمي اقپاراتتا ولاردى كورسەتپەيمىز» دەپ جاۋاپ بەرگەن ەدى.

"The Qazaq Times"