جاھاندىق پاندەمياعا بايلانىستى قاۋىپتى ىندەت تۋرالى ەڭ كەرەكتى ماعلۇماتتى بىلەۋ اسا ماڭىزدى. بۇل ەپيدەميانىڭ جالعاستىر تارالۋىنا توسقاۋىل قويىپ، ازاماتتاردىڭ ۆيرۋسقا قارسى ساقتىق شارالارىن كۇشەيتۋگە دەگەن تانىم تۇسىنىكتەرىن ارتتىرادى. وسىعان وراي كوروناۆيرۋس تۋرالى ەڭ كەرەكتى 25 دەرەكتى ۇسىنىپ وتىرمىز. 

  1. كوروناۆيرۋس دەگەنىمىز نە؟

كوروناۆيرۋستار – بۇل كوبىنەسە جانۋارلاردى زاقىمدايتىن ۆيرۋستاردىڭ توبى، بىراق كەيبىر جاعدايلاردا ادامعا بەرىلۋى مۇمكىن. ادەتتە كوروناۆيرۋس تۋدىرعان اۋرۋلار اۋىر سيمپتوماتيكانى تۋدىرماي جەڭىل تۇردە وتەدى. الايدا، تاياۋ شىعىس رەسپيراتورلىق سيندرومى (Mers) جانە اۋىر ءجىتى رەسپيراتورلىق سيندروم (Sars) سياقتى اۋىر تۇرلەرى بولادى.

  1. كوروناۆيرۋستىڭ بەرىلۋ جولى قانداي؟

جۇقتىرعان ادام جوتەلگەندە نەمەسە تۇشكىرگەندە پايدا بولاتىن تامشىلار.

ودان باسقا، بىرەۋ كەز كەلگەن لاستانعان زاتتىڭ ۇستىڭگى بەتىنە، مىسالى، ەسىك تۇتقاسىن ۇستاعان كەزدە تارالۋى مۇمكىن. ادامدار لاستانعان قولدارىمەن اۋىزىن، مۇرنىن نەمەسە كوزىن ۇستاعان كەزدە جۇقتىرادى.

باستاپقىدا ءورشۋ جانۋارلاردان پايدا بولدى، بولجام بويىنشا، ۋحان قالاسىندا (قحر) تەڭىز ونىمدەرى بازارىندا پايدا بولدى، وندا بالىقتىڭ عانا ەمەس، سۋىر، جىلان جانە جارقاناتى سياقتى جانۋارلاردىڭ دا بەلسەندى ساۋداسى ءجۇردى.

  1. كوروناۆيرۋستىق ينفەكتسيانىڭ كوزى كىم؟

اۋرۋ ادام نەمەسە جانۋارلار.

  1. بۇل ينفەكتسيانى جۇقتىرۋ قايدان پايدا بولدى؟

قىتاي عالىمدارىنىڭ دەرنەكتەرى بويىنشا COVID -19 تابيعي رەزەرۆۋارى جابايى جانۋارلار (جارقانات) بولىپ تابىلادى. ادام جۇقتىرعان نەگىزگى ورىن وڭتۇستىك قىتاي تەڭىز ونىمدەرىنىڭ كوتەرمە بازارى بولدى، وندا جابايى جانۋارلار، ونىڭ ىشىندە جارقاناتتار مەن باۋىرىمەن جورعالاۋشىلار ساتىپ الىندى.

  1. كوروناۆيرۋستىق ينفەكتسيانىڭ نەگىزگى بەلگىلەرى؟
  • جوعارى دەنە قىزۋى
  • باس اۋرۋى
  • السىزدىك
  • جوتەل
  • تىنىس الۋدىڭ قيىنداۋى
  • بۇلشىق ەتتەردىڭ اۋىرۋى
  • جۇرەك اينۋى
  • قۇسۋ
  • ديارەيا
  1. ۆيرۋس سىرتقى ورتادا تۇراقتى ما؟

كوروناۆيرۋس سىرتقى ورتادا تۇراقسىز، 57 گرادۋس س جانە ودان جوعارى تەمپەراتۋرادا ولەدى، دەزينفەكتسيالىق جانە قۇرامىندا ءسپيرتى بار زاتتارعا تۇراقسىز.

  1. ينفەكتسيانىڭ ينكۋباتسيالىق كەزەڭى قانداي؟

ينكۋباتسيالىق كەزەڭ (جۇقتىرۋ ساتىنەن اۋرۋ بەلگىلەرى پايدا بولعانعا دەيىن) 2-دەن 14 كۇنگە دەيىن، 2-7 كۇننەن جيىرەك بولادى.

  1. بۇل ينفەكتسيانى ەمى بار ما؟

قازىرگى ۋاقىتتا ارنايى ەمى جوق. پاتوگەنەتيكالىق جانە سيمپتوماتيكالىق ەم جۇرگىزىلەدى.

  1. كوروناۆيرۋستى جۇقتىرۋدان ءوزىڭدى قالاي قورعاۋعا بولادى؟

ەڭ ماڭىزدىسى – قول مەن بەتتەردىڭ تازالىعىن ساقتاۋ. قولدى تازا ۇستاڭىز، ولاردى سابىنمەن ءجيى جۋىڭىز نەمەسە دەزينفەكتسيالاۋ قۇرالىن پايدالانىڭىز.                                                                                              سونداي-اق اۋىزىڭىزدى، مۇرنىڭىزدى نەمەسە كوزىڭىزدى جۋىلماعان قولمەن ۇستاماۋعا تىرىسىڭىز (ادەتتە مۇنداي ويلانباستان ۇستاۋ ساعاتىنا ورتا ەسەپپەن 15 رەت بولادى).

كەز كەلگەن جاعدايدا قولدى تازالاۋ ءۇشىن قولدى دەزينفەكتسيالاۋشى قۇرالدى وزىڭىزبەن بىرگە الىپ ءجۇرىڭىز.

ارقاشان تاماق الدىندا قولىڭىزدى جۋىڭىز.

اسىرەسە، ادام كوپ ورىنداردا، اۋەجايلاردا جانە باسقا دا قوعامدىق كولىك جۇيەلەرىندە بولعان كەزدە اباي بولىڭىز. وسىنداي جەرلەردە ورنالاسقان زاتتاردى جانە ولاردىڭڭ ۇستىڭگى بەتتەرىن ۇستاۋدى بارىنشا ازايتىڭىز، بەتىڭىزگە تيمەڭىز.

ءبىر رەتتىك سالفەتكالاردى وزىڭىزبەن بىرگە الىپ ءجۇرىڭىز جانە جوتەلگەندە نەمەسە تۇشكىرگەندە ءاردايىم مۇرىن مەن اۋزىڭىزدى جابىڭىز، ولاردى قولدانعاننان كەيىن مىندەتتى تۇردە جويىڭىز.

ەگەر باسقا ادامدار جالپى ورامعا نەمەسە ىدىسقا ساۋساقتارىن سالسا،  ودان تاماق ىشپەڭىز (جاڭعاق، چيپس، پەچەنە جانە باسقا دا سنەكتەر).

ەپيدەميولوگيالىق احۋال تۇراقتانعانشا قۇتتىقتاپ، قول قىسۋلار مەن بەتتەن سۇيۋدەن اۋلاق بولىڭىز.

جۇمىس بارىسىندا ءسىز ۇستايتىن زاتتاردىڭ ۇستىڭگى بەتتەرى مەن قۇرىلعىلاردى (كومپيۋتەردىڭ پەرنەتاقتاسى، جالپى پايدالاناتىن ورگتەحنيكا پانەلدەرى، سمارتفون ەكرانى، پۋلتتەر، ەسىك تۇتقالارى مەن ۇستاعىشتار) ۇنەمى تازالاڭىز.

  1. مەديتسينالىق ماسكانى قالاي دۇرىس كيۋ كەرەك؟                                                                                                             1. مۇرىن مەن اۋزىڭىزدى ماسكامەن مۇقيات جاۋىپ، بەت پەن ماسكا اراسىنداعى ساڭىلاۋدى ازايتۋ ءۇشىن ونى بەكىتىڭىز.                                                                                                                                                                                            2. پايدالانۋ كەزىندە ماسكانى ۇستاماڭىز. قولدانىلعان ماسكاعا تيگەننەن كەيىن، مىسالى، ونى شەشۋ ءۇشىن قولدى جۋىڭىز.                                                                                                                                                                                  3. ماسكا ىلعالدى نەمەسە لاستانعان بولسا، جاڭا تازا جانە قۇرعاق ماسكا كيىڭىز.                                                    4. ءبىر رەت قولدانىلاتىن ماسكا پايدالانباڭىز. ولاردى ءاربىر قولدانعاننان كەيىن لاقتىرىپ، الىپ تاستاعاننان كەيىن بىردەن جويىڭىز.
  2. جاڭا كوروناۆيرۋستى ەمدەۋگە بولادى ما؟

ءيا، ارينە. الايدا، سۋىق ءتيۋدى تۋدىراتىن كوپتەگەن باسقا دا رەسپيراتورلىق ۆيرۋستاردان ارنايى ەم جوق سەكىلدى جاڭا كوروناۆيرۋستان دا ۆيرۋسقا قارسى ارنايى پرەپارات جوق.

ۆيرۋستىق پنەۆمونيانى، كوروناۆيرۋستىق ينفەكتسيانىڭ نەگىزگى جانە ەڭ قاۋىپتى اسقىنۋىن انتيبيوتيكتەرمەن ەمدەۋگە بولمايدى. پنەۆمونيا دامىعان جاعدايدا – ەم وكپە قىزمەتىن ەمدەۋگە باعىتتالعان.

  1. تاۋەكەل توبىنا كىمدەر جاتادى؟

بارلىق جاستاعى ادامداردىڭ ۆيرۋستى جۇقتىرۋ قاۋپى بار. ۋحان قالاسىنداعى (قحر) دەنساۋلىق ساقتاۋ جونىندەگى كوميسسيانىڭ مالىمدەمەسىندە سوڭعى 60 جاعداي 15- تەن 88 جاسقا دەيىنگىنى قۇرايدى.

الايدا، باسقا دا ۆيرۋستى رەسپيراتورلىق اۋرۋلاردىڭ كوپشىلىگى سياقتى، بالالار مەن 65 جاستان اسقان ادامدار، يممۋندىق جۇيەسى السىرەگەن ادامدار- اۋرۋدىڭ اۋىر ءوتۋ قاۋپى ايماعىندا.

  1. جاڭا كوروناۆيرۋس ءۇشىن ۆاكتسينا بار ما؟

قازىرگى ۋاقىتتا مۇنداي ۆاكتسينا جوق، الايدا قىتاي مەن بىرقاتار ەلدەردىڭ عىلىمي ۇيىمدارىندا ونى ازىرلەۋ باستالدى.

  1. كوروناۆيرۋستىق ينفەكتسياعا ۇقساس سيمپتومدار بولسا، قايدا حابارلاسۋ كەرەك؟

جەدەل رەسپيراتورلىق ينفەكتسيا بەلگىلەرى پايدا بولعاندا نەمەسە جاڭا كوروناۆيرۋستىق پنەۆمونياعا كۇدىك بولعاندا تەز ارادا ۇيگە جەدەل جاردەم شاقىرۋ (103), سونداي-اق 1406, 87172768043 كوروناۆيرۋستىق ينفەكتسيا ماسەلەلەرى بويىنشا call-ورتالىققا قوڭىراۋ شالۋ قاجەت.

جەدەل جاردەم بريگاداسى كەلگەنگە دەيىن اۋىر نىسانداعى جاعدايدا الدىن الۋ شارالارىن ساقتاۋ (ادامدارمەن قارىم-قاتىناستى شەكتەۋ، جوتەل ەتيكەتىن ساقتاۋ، ماسكا كيۋ، ءوزىن-ءوزى ەمدەۋمەن اينالىسپاۋ) كەرەك.

  1. كوروناۆيرۋس پەن تۇماۋ ۆيرۋسى اراسىنداعى ايىرماشىلىق نەدە؟

كوروناۆيرۋس پەن تۇماۋ ۆيرۋسىنىڭ ۇقساس بەلگىلەرى بولۋى مۇمكىن، بىراق ولار گەنەتيكالىق جاعىنان مۇلدەم ءارتۇرلى.

تۇماۋ ۆيرۋستارى وتە تەز كوبەيەدى — سيمپتومدار جۇقتىرعاننان كەيىن ەكى-ءۇش كۇننەن كەيىن كورىنەدى، ال كوروناۆيرۋسقا ول ءۇشىن 14 كۇنگە دەيىن قاجەت.

  1. كوروناۆيرۋستىڭ بار ەكەنىن قالاي انىقتاۋعا بولادى؟

ۋاقتىلى دياگنوستيكا قازاقستان اۋماعىندا جاڭا كوروناۆيرۋستىڭ پايدا بولۋ جانە تارالۋ قاۋپى تۋىنداعان كەزدە ماڭىزدى ءىس-شارالاردىڭ ءبىرى بولىپ تابىلادى.

دەنساۋلىق ساقتاۋدىڭ عىلىمي ۇيىمدارى جاڭا كوروناۆيرۋس گەندەرىنىڭ قۇرىلىمى تۋرالى اقپارات پايدا بولعان ساتتەن باستاپ 7 كۇننەن از ۋاقىتتىڭ ىشىندە ادام اعزاسىندا ۆيرۋستىڭ بولۋىن انىقتاۋ ءۇشىن دياگنوستيكالىق جيىنتىقتاردىڭ ەكى نۇسقاسىن ازىرلەدى.

جيناقتار پوليمەرازدىق تىزبەكتىك رەاكتسيا (پتر) دەپ اتالاتىن زەرتتەۋدىڭ مولەكۋلالىق-گەنەتيكالىق ادىسىنە نەگىزدەلگەن. بۇل ءادىستى پايدالانۋ تەست-جۇيەلەرگە ەلەۋلى ارتىقشىلىقتار بەرەدى.

ءبىرىنشى – جوعارى سەزىمتالدىق – ازىرلەنگەن تەست-جۇيەلەردى پايدالانا وتىرىپ، ۆيرۋستاردىڭ جەكە كوشىرمەلەرىن تابۋعا بولادى.

ەكىنشى – اۋرۋدى   دياگنوستيكالاۋ ءۇشىن قان الۋدىڭ قاجەتى جوق، مۇرىن- جۇتقىنشاقتان ماقتالى تامپونمەن ۇلگى الۋ جەتكىلىكتى.

ءۇشىنشى-تالداۋ ناتيجەسىن 2-4 ساعاتتان كەيىن الۋعا بولادى.

قازاقستاننىڭ بارلىق اۋماعى بويىنشا دياگنوستيكالىق زەرتحانالارىندا دياگنوستيكانىڭ ازىرلەنگەن قۇرالدارىن پايدالانۋ ءۇشىن قاجەتتى جابدىقتار مەن ماماندار بار.

  1. ستاتسيونارعا كىمدەر وقشاۋلانۋعا جاتادى؟

«قازاقستان رەسپۋبليكاسىندا توتەنشە جاعدايدى ەنگىزۋ تۋرالى»  قازاقستان رەسپۋبليكاسى پرەزيدەنتىنىڭ 2020 جىلعى 16 ناۋرىزداعى №25  جارلىعىنا سايكەس «قازاقستان رەسپۋبليكاسى حالقىنىڭ قاۋىپسىزدىگىن قامتاماسىز ەتۋ جونىندەگى شارالار تۋرالى» قر باس مەملەكەتتىك سانيتاريالىق دارىگەرىنىڭ قاۋلىسىنا سايكەس مىناداي 1ا) ساناتىنداعى ەلدەردەن:    فرانتسيا، يران، يتاليا، يسپانيا، گەرمانيا رەسمي جانە ۇكىمەتتىك دەلەگاتسيالاردى، سونداي-اق قىزمەتتىك جانە ديپلوماتتىق پاسپورتتاردىڭ يەلەرىن، اۆياكومپانيالاردىڭ ۇشقىشتارىن جانە ەكيپاج مۇشەلەرىنىڭ، لوكوموتيۆ بريگادالارىنىڭ مۇشەلەرىن، تەمىر جول كولىگىندەگى تاسىمالداۋ قىزمەتىمەن بايلانىستى ادامداردى جانە جۇكتەردى حالىقارالىق اۆتوموبيل تاسىمالدارىن جۇزەگە اسىراتىن جۇرگىزۋشىلەردى قوسپاعاندا، سوڭعى كەلگەن ساتتەن باستاپ 14 كۇننەن از ۋاقىت وتكەن ادامدار جەرگىلىكتى اتقارۋشى ورگاندار ايقىنداعان ستاتسيونارلارعا وقشاۋلانادى.

  1. كارانتيندىك ستاتسيونارلارداعى ازاماتتار قانداي تالاپتاردى ساقتاۋى ءتيىس؟

كارانتيندىك ستاتسيوناردا بولۋ كەزىندە قويىلاتىن تالاپتار:

-  كۇنتىزبەلىك 14 كۇننىڭ ىشىندە جەرگىلىكتى اتقارۋشى ورگاندار ايقىنداعان ءۇي-جايلاردا ۇزدىكسىز بولۋ;

- كارانتين كەزىندە (14 كۇن): كارانتيندەۋ جەرىنەن كەتۋگە رۇقسات بەرىلمەيدى; بارلىق بايلانىس تۇرلەرىن (تەلەفون، ينتەرنەت) پايدالانۋعا رۇقسات ەتىلەدى;

- كارانتين كەزىندەگى مەديتسينا پەرسونالى تاراپىنان جاسالاتىن ءىس-شارالار مىناداي قامتيدى: قاراپ-تەكسەرۋ، دەنە قىزۋىن، ارتەريالىق قىسىمدى ولشەۋ، سۇراۋ;

- مەديتسينالىق كورسەتىلىمدەر بويىنشا تاماقتان، مۇرىن-جۇتقىنشاقتان بيوماتەريالدى زەرتحانالىق زەرتتەۋگە الىنۋى مۇمكىن، قاجەت بولعان كەزدە – زەرتتەۋدىڭ وزگە دە ادىستەرى;

- كارانتيندەگى ادام تاراپىنان رەجيم بۇزىلعان جاعدايدا اكىمشىلىك جاۋاپكەرشىلىك كوزدەلگەن.

  1. ۇيدە كىمدەر وقشاۋلانۋى ءتيىس؟ ۇيدە وقشاۋلاۋ قالاي جۇرگىزىلەدى؟

ۇيدەگى وقشاۋلاۋ (ۇيدەگى كارانتين) تۇرعىلىقتى (بولاتىن) جەرى بويىنشا 1ب) ساناتىنداعى ەلدەردەن كەلگەن ادامدارعا قازاقستان رەسپۋبليكاسىنىڭ شەكاراسىنان وتكەن كۇننەن باستاپ 14 كۇننىڭ ىشىندە جۇرگىزىلەدى:

قحر

وڭتۇستىك كورەيا

1ا)  ساناتىنداعى تىزبەگە كىرەتىن ەلدەردى قوسپاعاندا، شەنگەن ايماعى ەلدەرى

 

ۇيدەگى كارانتين «قر-دا توتەنشە جاعدايدى ەنگىزۋ تۋرالى» قازاقستان رەسپۋبليكاسى پرەزيدەنتىنىڭ جارلىعىنا سايكەس قازاقستان رەسپۋبليكاسى حالقىنىڭ قاۋىپسىزدىگىن قامتاماسىز ەتۋ جونىندەگى شارالار تۋرالى» قر باس مەملەكەتتىك سانيتاريالىق دارىگەرىنىڭ 2020 جىلعى 16 ناۋرىزداعى №25 قاۋلىسىنىڭ 2-قوسىمشاسىنا سايكەس قويىلاتىن تالاپتاردى ساقتاي وتىرىپ جۇرگىزىلەدى.

  1. ۇيدەگى كارانتيندەگى ازاماتتار قانداي تالاپتاردى ساقتاۋى ءتيىس؟

ۇيدەگى كارانتيندە بولۋ كەزىندە قويىلاتىن تالاپتار:

-  كۇنتىزبەلىك 14 كۇننىڭ ىشىندە تۇرعىلىقتى جەرىندە مىندەتتى تۇردە تۇراقتى بولۋ ء(ۇي، پاتەر، جاتاقحانا، قوناقۇي جانە باسقالار);

- ۇيدە وقشاۋلاۋ ءۇشىن جاعداي بولماعان كەزدە ەمدەۋگە جاتقىزۋ ۇسىنىلادى;

- تۇرعىلىقتى جەرى بويىنشا وقشاۋلاۋ كەزىندە (كۇنتىزبەلىك 14 كۇن) حالىق كوپ جينالاتىن جەرلەرگە بارۋعا تىيىم سالىنادى;

- ۇيدەگى كارانتين كەزىندە مەديتسينا پەرسونالىنىڭ ءىس-شارالارى مىنالاردى قامتيدى (كۇنتىزبەلىك 14 كۇن): كونسۋلتاتسيالار جانە تەلەفون بويىنشا قوڭىراۋ شالۋ ارقىلى ۇيدەگى كارانتينگە باقىلاۋ جاساۋ;

- مەديتسينالىق كورسەتىلىمدەر بويىنشا تاماقتان، مۇرىن-جۇتقىنشاقتان بيوماتەريالدى زەرتحانالىق زەرتتەۋگە الىنۋى، قاجەت بولعان كەزدە – زەرتتەۋدىڭ وزگە دە ادىستەرى جۇرگىزىلۋى مۇمكىن;

-  مەديتسينالىق كورسەتىلىمدەر بويىنشا ء(جىتى رەسپيراتورلىق ۆيرۋستىق ينفەكتسيا بەلگىلەرى) ادام دياگنوستيكالاۋ جانە قازاقستان رەسپۋبليكاسىنىڭ ەسەبىنەن ەمدەۋ ماقساتىندا مەديتسينالىق ۇيىمعا (بۇدان ءارى – مۇ) جاتقىزىلادى;

- كارانتيندەگى ادام تاراپىنان رەجيم بۇزىلعان جاعدايدا اكىمشىلىك جاۋاپكەرشىلىك كوزدەلگەن.

  1. 2-ساناتتاعى ەلدەن كەلگەن ادامدارعا قانداي شارالار قولدانىلادى؟

بۇگىنگى كۇنى 2-ساناتتاعى ەلدەر قاتارىنا مىناداي ەلدەر كىرەدى:

فيليپپين

كاتار

ءۇندىستان

ءباا

ۇلىبريتانيا

ازەربايجان

تايلاند

اقش

قر-عا جوعارىدا كورسەتىلگەن ەلدەردەن كەلگەن ادامدارعا قر-نىڭ شەكاراسىن وتكەن كۇننەن باستاپ 14 كۇننىڭ ىشىندە قوڭىراۋ شالۋ ارقىلى تۇرعىلىقتى  (بولاتىن) جەرى بويىنشا مساك مەديتسينا قىزمەتكەرى باقىلاۋىنا الادى.

  1. 2-ساناتتاعى ەلدەن كەلگەن ادامدار قانداي تالاپتاردى ساقتاۋعا ءتيىس؟

2-ساناتتاعى ەلدەردەن كەلگەن ادامدارعا قويىلاتىن تالاپتار:

ادامنىڭ قازاقستان رەسپۋبليكاسىنىڭ اۋماعىندا ءجۇرىپ-تۇرۋعا قۇقىعى بار.

ادامدار كوپ جينالاتىن جەرلەرگە بارماۋ، باسقا ادامدارمەن بايلانىستى شەكتەۋ ۇسىنىلادى.

قازاقستان رەسپۋبليكاسىنىڭ شەكاراسىن وتكەن كۇننەن باستاپ 14 كۇننىڭ ىشىندە قوڭىراۋ شالۋ ارقىلى تۇرعىلىقتى  (بولاتىن) جەرى بويىنشا مساك مەديتسينا قىزمەتكەرى باقىلاۋىنا الادى.

مەديتسينالىق كورسەتىلىمدەر بويىنشا ء(جىتى رەسپيراتورلىق ۆيرۋستىق ينفەكتسيا بەلگىلەرى) ادام دياگنوستيكالاۋ جانە قازاقستان رەسپۋبليكاسىنىڭ ەسەبىنەن ەمدەۋ ماقساتىندا مۇ-عا جاتقىزىلۋى مۇمكىن.

  1. ۆيزالاردى بەرۋ جانە قر اۋماعىنا كىرۋ، تۇراقتى اۆيارەيستەر، جاياۋ ءوتۋ، جولاۋشىلار تەمىرجول/اۆتوموبيل تاسىمالدارى، اۋە قاتىناسى تۇراقتى توقتاتىلعان ەلدەر ساناتى بويىنشا قايدا حابارلاسۋعا بولادى؟

بۇل سۇراقتار بويىنشا سىرتقى ىستەر مينيسترلىگىنە 72-01-11 تەلەفونى بويىنشا حابارلاسۋعا بولادى، سونداي-اق ءسىم سايتىنان قاراۋعا بولادى.

  1. قانداي جاعدايلاردا كوروناۆيرۋستىق ينفەكتسياعا اناليز تاپسىرۋ قاجەت؟ قايدا بارۋ قاجەت؟

كوروناۆيرۋستىق ينفەكتسياعا زەرتحانالىق زەرتتەۋ ادامدارعا كلينيكالىق جانە ەپيدەميولوگيالىق كورسەتىلىمدەر بولعان كەزدە جۇرگىزىلەدى. ول ءۇشىن رەسپيراتورلىق ينفەكتسيامەن اۋىرعان جاعدايدا نەمەسە كوروناۆيرۋسپەن اۋىراتىن ناۋقاسپەن قارىم-قاتىناستا بولدى دەگەن كۇدىگى بولعان جاعدايدا ۇيگە دارىگەردى دەرەۋ شاقىرۋ قاجەت.

دارىگەر قاراپ-تەكسەرگەننەن كەيىن كوروناۆيرۋستىق ينفەكتسياعا كۇدىگى بولعان كەزدە زەرتتەۋگە اناليزدەرى الىنادى.

  1. COVID-19 كوروناۆيرۋستىق ينفەكتسياسى بويىنشا قولايسىز ەلدەر ساناتىنا كىرمەيتىن باسقا ەلدەردەن كەلگەن ادامدارعا قانداي ۇسىنىستار بار؟

كوروناۆيرۋس بويىنشا ەپيدەميولوگيالىق جاعدايى قولايلى باسقا ەلدەردەن كەلگەن ادامدار قازاقستاندا ۇسىنىلاتىن قاجەتتى پروفيلاكتيكالىق شارالاردى ساقتاۋى قاجەت: دەنساۋلىعىنىڭ جاي-كۇيىن باقىلاۋ، جەكە گيگيەنانى ساقتاۋ، قر دەنساۋلىق ساقتاۋ مينيسترلىگى ۇسىنىپ وتىرعان اقپاراتتى باقىلاۋ، رەسپيراتورلىق ينفەكتسيا بەلگىلەرى پايدا بولعان جاعدايدا دارىگەردى ۇيگە شاقىرۋ.

ىندەتكە قاتىستى ماڭىزدى سۇراقتار مەن جاۋاپتاردى قر دەنساۋلىق ساقتاۋ مينيسترلىگى ۇسىنعان. ازاماتتاردىڭ ىندەتكە قاتىستى تانىمدارىنىڭ تەرەڭدەي ءتۇسۋى ءۇشىن سايت وقىرماندارىنا ۇسىنىپ وتىرمىز. 

“The Qazaq Times”