اقش پرەزيدەنتى دونالد ترامپ. فوتو: https://dailymail

دونالد ترامپتىڭ سايلاۋالدى شتابى «پرەزيدەنتكە جالا جاپتى، جالعان حابار تاراتتى» دەگەن ايىپپەن The Washington Post باسىلىمىن سوتقا بەردى. بۇل تۋرالى The Hill سايتى حابارلادى.

Washington Post گازەتىندە امەريكاداعى سايلاۋعا رەسەيدىڭ ارالاسقاندىعى تۋرالى بىرنەشە ماقالالار جارىق كورگەن. بۇعان دەيىن اق ءۇي باسشىسىنىڭ سايلاۋالدى اكىمشىلىگى The New York Times گازەتىنىڭ رەداكتسياسىن «پرەزيدەنت تۋرالى جالعان اقپارات تاراتتى جانە جالا جاپتى» دەپ سوتقا بەرگەن. باسىلىمنىڭ اتقارۋشى رەداكتورى ماكس فرەنكەلدىڭ «رەسەي مەن ترامپتىڭ ۋاعدالاستىعى قالاي جۇزەگە استى» دەگەن ماقالاسى پرەزيدەنت شتابىنىڭ سوتقا جۇگىنۋىنە سەبەپ بولعان.

2016 جىلى قاراشادا اقش-تا كەزەكتى پرەزيدەنتتىك سايلاۋ ءوتتى. ناتيجەسىندە، رەسپۋبليكالىق پارتيا ۇسىنعان كاسىپكەر، ساياساتكەر دونالد ترامپ جەڭىسكە جەتىپ، امەريكانىڭ 45-ءشى پرەزيدەنتى اتاندى. سول ۋاقىتتان بەرى اقش-تاعى سايلاۋعا رەسەي ارالاسىپ، دەرەكتەردى قولدى ەتتى دەگەن گيپوتەزا ايتىلىپ كەلەدى.

اقش-تاعى 58-ءشى پرەزيدەنتتىك سايلاۋعا كرەمل «قول سۇقتى» دەگەن تاقىرىپتا الەم باسىلىمدارى جارىسا جازعاننان كەيىن اقش بارلاۋ قىزمەتى ارنايى تەكسەرۋ جۇرگىزىپ، رەسەيدىڭ ارالاسۋىمەن جەرگىلىكتى پارتيانىڭ سەرۆەرى بۇزىلدى دەگەن قورىتىندى شىعاردى. بۇدان بولەك، تەكسەرۋ بارىسىندا جاريالانعان ارنايى قۇجاتتا ۆلاديمير پۋتين اقش سايلاۋىنا ارالاسۋ ءۇشىن كومپانيالارعا تىكەلەي تاپسىرما بەرگەندىگى دە جازىلعان.

1964 جىلى اقش-تىڭ جوعارعى سوتى ساياساتكەرلەر مەن جوعارى لاۋازىمدى شەنەۋنىكتەردىڭ تىلشىلەرگە ايىپ تاعۋ قۇقىعىن شەكتەۋ تۋرالى زاڭ قابىلداعان. وسىعان سايكەس، تالاپكەر سوت پروتسەسى باستالعانعا دەيىن بارلىق ناقتى دەرەكتەردى ۇسىنۋى ءتيىس.

"The Qazaq Times"