Tramp äkimşiligi Washington Post basılımın sotqa berdi

Donal'd Tramptıñ saylaualdı ştabı «prezidentke jala japtı, jalğan habar tarattı» degen ayıppen The Washington Post basılımın sotqa berdi. Bwl turalı The Hill saytı habarladı.

Washington Post gazetinde Amerikadağı saylauğa Reseydiñ aralasqandığı turalı birneşe maqalalar jarıq körgen. Bwğan deyin Aq üy basşısınıñ saylaualdı äkimşiligi The New York Times gazetiniñ redakciyasın «prezident turalı jalğan aqparat tarattı jäne jala japtı» dep sotqa bergen. Basılımnıñ atqaruşı redaktorı Maks Frenkeldiñ «Resey men Tramptıñ uağdalastığı qalay jüzege astı» degen maqalası prezident ştabınıñ sotqa jüginuine sebep bolğan.

2016 jılı qaraşada AQŞ-ta kezekti prezidenttik saylau ötti. Nätijesinde, Respublikalıq partiya wsınğan käsipker, sayasatker Donal'd Tramp jeñiske jetip, Amerikanıñ 45-şi prezidenti atandı. Sol uaqıttan beri AQŞ-tağı saylauğa Resey aralasıp, derekterdi qoldı etti degen gipoteza aytılıp keledi.

AQŞ-tağı 58-şi prezidenttik saylauğa Kreml' «qol swqtı» degen taqırıpta älem basılımdarı jarısa jazğannan keyin AQŞ Barlau qızmeti arnayı tekseru jürgizip, Reseydiñ aralasuımen jergilikti partiyanıñ serveri bwzıldı degen qorıtındı şığardı. Bwdan bölek, tekseru barısında jariyalanğan arnayı qwjatta Vladimir Putin AQŞ saylauına aralasu üşin kompaniyalarğa tikeley tapsırma bergendigi de jazılğan.

1964 jılı AQŞ-tıñ Joğarğı Sotı sayasatkerler men joğarı lauazımdı şeneunikterdiñ tilşilerge ayıp tağu qwqığın şekteu turalı zañ qabıldağan. Osığan säykes, talapker sot procesi bastalğanğa deyin barlıq naqtı derekterdi wsınuı tiis.

"The Qazaq Times"