كوروناۆيرۋستىڭ جاڭا شتامدارى مەن جاڭا تولقىندارىنان ميلليونداعان ادامدار جاپا شەگىپ جاتقاندا حالىقارالىق قاۋىمداستىق پەن قىتاي اراسىندا ۆيرۋستىڭ شىعۋت تەگى تۋرالى داۋ-داماي تاعى ۋشىقتى.

قىتاي كوروناۆيرۋستىڭ پايدا بولۋىن انىقتاۋ بويىنشا دۇنيەجۇزىلىك دەنساۋلىق ساقتاۋ ۇيىمىنىڭ ەكىنشى ساتىداعى تەرگەۋ امالدارىن قابىلداۋدان باس تارتتى. زەرتتەۋدىڭ بۇل ساتىسىندا ۆيرۋستىڭ قىتاي زەرتقاناسىنان تارالۋى مۇمكىن دەگەن گيپوتەزانى دا قاراستىرۋ كوزدەلگەن ەدى.

ددۇ وسى ايدا جاڭا كوروناۆيرۋستىڭ شىعۋ تەگىن انىقتاۋ بويىنشا زەرتتەۋلەردىڭ ەكىنشى كەزەڭىن جۇرگىزۋدى ۇسىنعان بولاتىن. بەيجىڭ ۇكىمەتىنەن ۋحانداعى ۋحانداعى زەرتحانالار مەن بازارلاردىڭ ءاۋديتىن، سونداي-اق تەرگەۋ امالدارىنا بارىنشا اشىق بولۋعا شاقىرعان.

بۇعان قاتىستى قىتاي ۇلتتىق دەنساۋلىق ساقتاۋ جونىندەگى كوميسسياسىنىڭ (NHC) جەتەكشىسىنىڭ ورىنباسارى چىڭ يشيڭ: «ءبىز قاداعالاۋدىڭ مۇنداي جوسپارىن قابىلداي المايمىز. سەبەبى، بۇل بەلگىلى تاسىلدەر ارقىلى جالپى تانىمدى بۇرمالاۋشىلىق، عىلىمعا قايشى»، – دەگەن مالىمدەمە جاسادى.

ددسۇ-نىڭ كەزەكتى زەرتتەۋ جوسپارىندا «ۋحانداعى زەرتحانالاردا پروتوكولداردىڭ بۇزىلۋى ۆيرۋستىڭ سىرتقى شىعىپ كەتۋىنە سەبەپ بولعان بولۋى مۇمكىن» دەگەن  گيپوتەزا دا قاراستىرىلماق بولعان. جوعارىدا اتالعان قىتاي دەنساۋلىق ساقتاۋ سالاسىنىڭ جوعارى لاۋازىمدىسى جۋرناليستەرگە بۇل جوسپاردى وقىپ تاڭ قالعانىن ايتقان. چىڭ بەيجىڭنىڭ بۇعان دەيىنگى پوزيتسياسىن قايتالادى. ياعني، قىتاي مۇددەسىنە ساياتىن قۇپيالىقتى ەسكەرە وتىرىپ، كەيبىر دەرەكتەردى تولىعىمەن جاريالاۋ مۇمكىن ەمەس ەكەنىن ايتقان.

ەستەرىڭىزدە بولسا شىلدەنىڭ باس شەنىندە ددسۇ باسشىسى ۆيرۋس تارالا باستاعان العاشقى بىرنەشە كۇندەگى تۇپنۇسقا دەرەكتەردىڭ بولماۋى، قىتايداعى COVID-19 پاندەمياسىنىڭ شىعۋ تەگى تۋرالى زەرتتەۋ قورىتىندىسىن شىعارۋعا كەدەرگى كەلتىرىلدى دەپ مالىمدەگەن ەدى.

“The Qazaq Times”