جو بايدەن اقش-تىڭ بارلاۋ ورگاندارىنا بۇيرىق بەرىپ، Covid-19 ۆيرۋسىنىڭ قايدان شىققانىن 90 كۇن ىشىندە تاۋىپ شىعۋدى تاپسىردى. 

جاھاندىق پاندەمياعا ۇلاسقان ىندەت العاش رەت 2019 جىلدىڭ سوڭىنا قاراي قىتايدىڭ ۋحان قالاسىندا تىركەلگەن بولاتىن. الەمگە كەڭ تاراعان قاۋىپتى ۆيرۋسقا 168 ملن ادام جۇعىمدالىپ،  3.5 ميلليون شاماسىنداعى ادام كوز جۇمدى. ماماندار پاندەميا اياقتالعانعا دەيىن بۇل كورسەتكىشتەر تاعى بىرنەشە  ەسەلەنۋى مۇمكىن دەپ قارايدى.

ىندەتتىڭ قايدان پايدا بولىپ،  قالاي تاراعانى تۋرالى كوپتەگەن بولجامدار مەن تالاستى پىكىرلەر بار. قىتاي رەسميلەرى تاراتقاگ مالىمەتتە ۆيرۋس ۋحان قالاسىنداعى تەڭىز ونىمدەرى بازارىنان تاراعان دەلىنگەن. ەكسپەرتتەردىڭ باسىم كوبى ۆيرۋس جانۋاردان ادامعا جۇققان دەگەنگە توقتايدى.

بىراق،  سوڭعى ۋاقىتتا اقش اقپارات قۇرالدارىندا ۆيرۋستىڭ قىتايداعى زەرتحانادان تاراعانى تۋرالى مالىمەتتەر ءجيى ايتىلا باستادى. بۇل تۋرالى اقش پەن قىتاي ۇكىمەتتەرى اراسىندا بۇعان دەيىندە داۋ-داماي بولعان. قىتاي ۆيرۋستىڭ پايدا بولۋى مەن تارالۋىنا قاتىستى بۇل نۇسقانى تەرىستەيدى،  ءتىپتى قىتاي رەسميلەرى ۆيرۋس قىتايعا اقش لابوراتورياسىنان كەلدى دەگەن.

ەگەر ىندەت وشاعى قىتايداعى لابوراتوريا بولسا جانە ونىڭ تارالۋىنا بايلانىستى العاشقى ەسەپتەردى قىتاي بيلىگىڭ جاسىرعانى راستالسا قىتاي تۇتاس الەم الدىندا ىندەت زاردابى ءۇشىن تولەم تولەۋگە جىعىندى بولۋى مۇمكىن. بۇل پرەزيدەنت ترامپ تۇسىندا دا كوتەرىلگەن بولاتىن. ول تۇستاعى اقش-قىتاي قاتىگاسىنا بايلانىستى بۇل تۇجىرىمدار ساياسيلانىپ كەتتى دەگەن پىكىرلەر دە ايتىلعان.

"The Qazaq Times"