اقش پرەزيدەنتى دونالد ترامپ جانە مەملەكەتتىك حاتشى مايك پومپەو. فوتو: https://i.middle

اقش يراننىڭ سەگىز شەنەۋنىگىنە جانە ەلدىڭ مەتال وندىرىسىنە جاڭا سانكتسيالار سالدى. بۇل تۋرالى اقش مەملەكەتتىك حاتشىسى مايك پومپەو حابارلادى.

قاتاڭ قاۋلىعا ىلىككەندەر قاتارىندا يران ۇلتتىق قاۋىپسىزدىك كەڭەسىنىڭ حاتشىسى الي شامحاني، يران كارۋلى كۇشتەرى قولباسشىسىنىڭ ورىنباسارى رەزا اشتياني، يسلام رەۆوليۋتسياسى كورپۋسىنىڭ «باسيدج» جاساعىنىڭ باسشىسى گولەمرەزا سۇلەيماني بار. ۋاشينگتون قىتاي مەن سەيشەل ارالدارىندا ورنالاسقان 17 تاۋ-كەن جانە مەتالل كومپانياسىنا، مەتالل ساۋداسىمەن اينالىسقان كەمەگە دە سانكتسيا سالدى.

سانكتسيادان بولەك، اق ءۇي باسشىسى دونالد ترامپ يران رەجيمىنىڭ قوسىمشا تابىس كوزدەرىنە شەكتەۋ قويدى.

31 جەلتوقساندا اقش-تىڭ باعداتتاعى ەلشىلىگى الدىندا نارازىلىق شاراسى بولىپ، شەرۋشىلەردىڭ الدى ەلشىلىك عيماراتىنا شابۋىلداعان. امەريكا بۇل نارازىلىقتىڭ ارتىندا يران تۇر دەپ ەسەپتەيدى. نارازىلىق اقش كۇشتەرىنىڭ يراكتاعى جانە سۇرياداعى شابۋىلىندا شيت مۇسىلماندارى قازا تاپقانى تۋرالى مالىمەت تاراعان سوڭ تۇتانعان ەدى.

يسلام رەۆوليۋتسياسى ساقشىلار كورپۋسىنىڭ «قۇدس كۇشتەرى» ارنايى جاساعىنىڭ قولباسشىسى سۇلەيماني 3 قاڭتاردا باعداتتاعى اقش-تىڭ اۋە شابۋىلى كەزىندە مەرت بولعان. ونى ولتىرۋگە اقش پرەزيدەنتى دونالد ترامپ بۇيرىق بەرگەن. «قۇدس كۇشتەرى» يراننىڭ سىرتتاعى اسكەري وپەراتسيالارىنا قاتىسقان. بۇعان دەيىن اقش-تان «كەك الاتىنىن» مالىمدەگەن يران 8 قاڭتاردا اقش-تىڭ يراكتاعى بىرقاتار نىساندارىنزىمىرانمەن اتقىلادى.

اقش 8 قاڭتاردا تەھرانداعى حالىقارالىق اۋەجاي ماڭىندا ورىن العان ۋكراينالىق ۇشاق اپاتىنا يراننىڭ قاتىسى بار دەپ ەسەپتەيدى. تەك قانا امەريكا ەمەس، كانادا جانە ۋكراينا لاينەرگە يران زىمىرانى ابايسىزدا تيگەن بولۋى مۇمكىن دەيدى. اقش پرەزيدەنتى دونالد ترامپ ۇشا اپاتى تەحنيكالىق اقاۋدان بولدى دەگەنگە كۇدىكپەن قارايدى. ترامپ: «مەنىڭ ءوز بولجامىم بار. بۇل ورنى تولماس ۇلكەن قايعى. ۇشاق قاۋىپتى ايماقتا كەتىپ بارا جاتقان. كەيبىرەۋلەر اپاتقا تەحنيكالىق اقاۋ سەبەپ دەيدى. بىراق مەن بۇل پىكىرمەن كەلىسپەيمىن. بارلىعىنا كوز جەتكىزۋ ءۇشىن يران تاراپى Boeing-ءتىڭ قارا جاشىكتەرىن وقۋدى وزگە ەلدەرگە بەرۋ كەرەك. مىسالى، فرانتسيالىق نەمەسە كانادالىق مامانداردىڭ كومەگىنە سۇيەنۋ كەرەك»، – دەيدى. الايدا قارا جاشىك بۇلىنگەن.

"The Qazaq Times"