AQŞ prezidenti Donal'd Tramp jäne memlekettik hatşı Mayk Pompeo. Foto: https://i.middle

AQŞ Irannıñ segiz şeneunigine jäne eldiñ metal öndirisine jaña sankciyalar saldı. Bwl turalı AQŞ memlekettik hatşısı Mayk Pompeo habarladı.

Qatañ qaulığa ilikkender qatarında Iran wlttıq qauipsizdik keñesiniñ hatşısı Ali Şamhani, Iran karulı küşteri qolbasşısınıñ orınbasarı Reza Aştiani, Islam revolyuciyası korpusınıñ «Basidj» jasağınıñ basşısı Golemreza Süleymani bar. Uaşington Qıtay men Seyşel' araldarında ornalasqan 17 tau-ken jäne metall kompaniyasına, metall saudasımen aynalısqan kemege de sankciya saldı.

Sankciyadan bölek, Aq üy basşısı Donal'd Tramp Iran rejiminiñ qosımşa tabıs közderine şekteu qoydı.

31 jeltoqsanda AQŞ-tıñ Bağdattağı elşiligi aldında narazılıq şarası bolıp, şeruşilerdiñ aldı elşilik ğimaratına şabuıldağan. Amerika bwl narazılıqtıñ artında Iran twr dep esepteydi. Narazılıq AQŞ küşteriniñ Iraktağı jäne Süriyadağı şabuılında şiit mwsılmandarı qaza tapqanı turalı mälimet tarağan soñ twtanğan edi.

Islam revolyuciyası saqşılar korpusınıñ «Qwds küşteri» arnayı jasağınıñ qolbasşısı Süleymani 3 qañtarda Bağdattağı AQŞ-tıñ äue şabuılı kezinde mert bolğan. Onı öltiruge AQŞ prezidenti Donal'd Tramp bwyrıq bergen. «Qwds küşteri» Irannıñ sırttağı äskeri operaciyalarına qatısqan. Bwğan deyin AQŞ-tan «kek alatının» mälimdegen Iran 8 qañtarda AQŞ-tıñ Iraktağı birqatar nısandarınzımıranmen atqıladı.

AQŞ 8 qañtarda Tehrandağı halıqaralıq äuejay mañında orın alğan ukrainalıq wşaq apatına Irannıñ qatısı bar dep esepteydi. Tek qana Amerika emes, Kanada jäne Ukraina laynerge Iran zımıranı abaysızda tigen boluı mümkin deydi. AQŞ prezidenti Donal'd Tramp wşa apatı tehnikalıq aqaudan boldı degenge küdikpen qaraydı. Tramp: «Meniñ öz boljamım bar. Bwl ornı tolmas ülken qayğı. Wşaq qauipti aymaqta ketip bara jatqan. Keybireuler apatqa tehnikalıq aqau sebep deydi. Biraq men bwl pikirmen kelispeymin. Barlığına köz jetkizu üşin Iran tarapı Boeing-tiñ qara jäşikterin oqudı özge elderge beru kerek. Mısalı, franciyalıq nemese kanadalıq mamandardıñ kömegine süyenu kerek», – deydi. Alayda qara jäşik bülingen.

"The Qazaq Times"