26 جەلتوقسان بەلگىلى جۋرناليست، قوعام بەلسەندىسى جانبولات ماماي باستاعان قازاقستاننىڭ دەموكراتيالىق پارتياسىن قۇرۋعا نيەتتەنگەن ۇيىمداستىرۋ كوميتەتىنىڭ قۇجاتتارىن ادىلەت مينيسترلىگى تىركەگەنى حابارلاندى.
بۇگىن، جەلتوقساننىڭ 26-سى تۇستە ەلوردادا «قازاقستاننىڭ دەموكراتيالىق پارتياسىن» قۇرعىسى كەلەتىن باستاماشىل توپ مىڭنان استام ادامنىڭ قولى قويىلعان قۇجاتتى ادىلەت مينيسترلىگىنە تاپسىرىپ، قۇرىلتاي سەزىن وتكىزۋ ءۇشىن باستاماشىل توپتى تىركەۋدى سۇراعان.
ۆەدومستۆو وكىلى تالعات ابۋباكىروۆ قۇجاتتى قابىلداپ، تىركەلگەنى تۋرالى تۇبىرتەكتى بۇگىن كەشكە دەيىن بەرۋگە ۋادە بەرگەن بولاتىن.
پارتيانى ۇيىمداستىرۋ كوميتەتىنىڭ وكىلى ينگا يمانباي مينيسترلىك توپتى تىركەمەگەن جاعدايدا مۇنى «ساياسي سەبەپپەن» بايلانىستىراتىنىن مالىمدەگەن ەدى:
– بىزگە سەزد وتكىزۋگە مۇمكىندىك بەرەدى دەپ ۇمىتتەنەمىز. دايىنداعان قۇجاتتارىمىز بەن جاقتاستارىمىزعا سەنەمىز. ەگەر ادىلەت مينيسترلىگى قانداي دا ءبىر سەبەپپەن تىركەۋدەن باس تارتسا، وندا ونى ساياسي سەبەپپەن باس تارتتى دەپ تۇسىنەمىز جانە ءارى قاراي ارەكەت جاسايمىز، – دەگەن.
تۇستەن كەيىن ساعات 16:30 شاماسىندا جانبولات ماماي ءوزىنىڭ الەۋمەتتىك جەلىدەگى پاراقشاسىندا ۆەدومستۆونىڭ ۇيىمدى تىركەگەنى تۋرالى حابار تاراتتى. ەندى دەمپارتيا 2020 جىلدىڭ 20 اقپانىنا دەيىن ءوزىنىڭ قۇرىلتاي سەزىن وتكىزۋى كەرەك.
قازاقستاننىڭ دەموكراتيالىق پارتياسىنىڭ تىركەلگەنى تۋرالى مينيسترلىك قۇجاتى. فوتو: ج.مامايدىڭ facebopk جەلىسىنەن
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى