فرانتسيا قازاقستانعا ينۆەستيتسيا كولەمىن ارتتىردى

پاريجدە فرانتسيا مەن قازاقستان اراسىنداعى قارىم-قاتىناستاردىڭ بيىلعى ناتيجەلەرىن قورىتىندىلادى.

فرانتسياداعى قازاقستاننىڭ توتەنشە جانە وكىلەتتى ەلشىسى جان عاليەۆ: «فرانتسيا بۇگىندە ستراتەگيالىق سەرىكتەسىمىز ەكەنىن ءىس جۇزىندە داللەدەپ كەلەدى. ينۆەستيتسيالار بويىنشا جاڭا جوبالار باستاپ ەلىمىزگە تەحنولوگيالار مەن جاڭا يدەيالاردى تارتىپ جاتىر. ءوز تاجىريبەسىمەن بەلسەندى ءبولىسىپ، وسى ىنتىماقتاستىعىمىزدى ۇلعايتۋعا نيەتتى. كەلەسى جىلى مۇنان دا ۇلكەن جەتىستىكتەرگە جەتەمىز دەگەن ءۇمىتىمىز بار. ويتكەنى ەلىمىزگە بىراقاتار ماڭىزدى ساپار جاسالاتىنىن كۇتىپ وتىرمىز»، – دەيدى.

قازاقستاندا 20 جىلدان استا ۋاقىت جۇمىس ىستەپ كەلە جاتقان فرانتسيالىق «Total» كومپانيالار توبىنىڭ ۆيتسە-پرەزيدەنتى ارنو برەياك: «بيىل قاشاعاندا ءوندىرىس كولەمى جوسپارلانعاننان اسىپ كەتتى. سول سەبەپتەن بۇل جىل قاشاعان مەن Total ءۇشىن جاقسى ءوتتى دەۋگە بولادى. اقتاۋ ماڭىنداعى دونعا مۇناي كەنىشىندەگى ءۇش جاڭا جوباعا ينۆەستيتسيا قۇيا باستادىق. سونىمەن قاتار ءوندىرىستى ارتتىرۋ ءۇشىن قاشاعاندا ينۆەستيتسيالاۋدىڭ جاڭا كەزەڭى بويىنشا جۇمىس ىستەپ جاتىرمىز»، – دەپ مالىمدەدى.

بيىل 9 ايدا قازاقستان مەن فرانتسيا اراسىنداعى تاۋار اينالىمى ەۋروپالىق وداقتىڭ باسقا ەلدەرىندەگى كورسەتكىشتەردەن ارتا وتىرىپ، 6%-دان استام ءوستى جانە $3,4 ملرد بولعان. قازىرگى ۋاقىتتا قازاقستان فرانتسيادان ەلەكتر، ەلەكتروندىق جانە مەحانيكالىق جابدىقتاردى، تۇتىنۋ تاۋارلارىن، ءدارى-دارمەكتەر مەن كوسمەتيكانى، اۆتوموبيلدەردى، ازىق-تۇلىك جانە قۇرىلىس ماتەريالدارىن يمپورتتايدى. 1993 جىلدان باستاپ 2012 جىلدىڭ 21 ناۋرىزىنا دەيىن فرانتسيادان قازاقستانعا كەلگەن تىكەلەي ينۆەستيتسيالاردىڭ جالپى كولەمى 9,25 ملرد. استام دوللار بولعان.

ايتا كەتەيىك، فرانتسۋز دەلەگاتسياسىنان بولەك، فرانتسيا پرەزيدەنتى ەممانۋەل ماكروننىڭ قازاقستانعا رەسمي ءىسساپارى جوسپارلانىپ جاتىر.

"The Qazaq Times"