استانادا وتەتىن سۇريا مەملەكەتىنە قاتىستى كەزەكتى كەلىسسوز مەرزىمى 21-22 جەلتوقسانعا بەلگىلەندى. بۇل تۋرالى قر سىرتقى ىستەر مينيسترلىگىنىڭ رەسمي سايتىندا حابارلاندى. 

مينيسترىلىكتىڭ مالىمەتىنشە، تاراپتار الداعى ۋاقىتتا بولاتىن كەلىسسوزدە ۇستالعانداردى بوساتۋ، قازا تاپقانداردىڭ دەنەلەرىن بەرۋ جانە جوعالعان ادامداردى ىزدەستىرۋ بويىنشا جۇمىس توبىن قۇرۋ تۋرالى ەرەجەنى قابىلداۋدى جوسپارلاپ وتىر. سونداي-اق، كەلىسسوزگە قاتىسۋشىلار سۇرياداعى قاۋىپسىز ايماقتاردىڭ جۇمىسى قانداي دەڭگەيدە ەكەنىن تالقىلاپ، يۋنەسكو وبەكتىلەرىن قوسا العاندا ءسۇريانى مينالاردان تازارتۋ تۋرالى بىرلەسكەن شەشىمدى بەكىتۋگە نيەتتى.

قازان ايىندا وتكەن  جەتىنشى رەت كەزدەسۋ قورىتىندىسىندا كەپىلدىك بەرۋشى ەلدەر قارسى تاراپتاردىڭ ساياسي جاعدايلارىن رەتتەۋ ءۇشىن سەنىمدى نىعايتۋ، سونىڭ ىشىندە ۇستالعانداردى بوساتۋ جونىندە شارالار قابىلداۋ قاجەت ەكەنى تۋرالى بىرلەسكەن مالىمدەمە قابىلداعان. بۇدان بولەك، تاراپتار بۇۇ ارقىلى جەنەۆا پروتسەسى بويىنشا ۇلتتىق ديالوگ كونگرەسىن شاقىرۋ تۋرالى ۇسىنىستى تالقىلاۋعا كەلىسىم جاساعان.

“The Qazaq Times”