قازاقستان پرەزيدەنتى قاسىم-جومارت توقاەۆ جانە رەسەي پرەزيدەنتى ۆلاديمير پۋتين. فوتو: https://tengrinews.kz

قازاقستان مەن رەسەي پرەزيدەنتتەرى 7 قاراشادا كەزدەسپەك.

اقوردا مالىمەتىنشە، قاسىم-جومارت توقاەۆ ومبى قالاسىندا وتەتىن «شەكارا ماڭى ىنتىماقتاستىعىن دامىتۋدىڭ وزەكتى ماسەلەلەرى» اتتى قازاقستان مەن رەسەي اراسىنداعى XVI وڭىرارالىق ىنتىماقتاستىق فورۋمىنا قاتىسادى.

فورۋم اياسىندا رەسەي فەدەراتسياسىنىڭ پرەزيدەنتى ۆلاديمير پۋتينمەن كەزدەسەدى جانە بىرقاتار قۇجاتقا قول قويىلادى، سونداي-اق، جوعارى تەحنولوگياعا ارنالعان كورمەنى تاماشالاماق.

وسىعان دەيىن ەكى ەل پرەزيدەنتى سوچيدەگى «ۆالداي» حالىقارالىق پىكىرسايىس كلۋبىنىڭ وتىرىسىندا وتكەن پانەلدىك سەسسيا كەزىندە «الەمدىك قۇرىلىم: شىعىستىڭ كوزقاراسى» تاقىرىبىندا مالىمدەمە جاساعان بولاتىن.

"The Qazaq Times"