Қазақстан мен Ресей президенттері 7 қарашада кездеспек.

Ақорда мәліметінше, Қасым-Жомарт Тоқаев Омбы қаласында өтетін «Шекара маңы ынтымақтастығын дамытудың өзекті мәселелері» атты Қазақстан мен Ресей арасындағы XVI өңіраралық ынтымақтастық форумына қатысады.

Форум аясында Ресей Федерациясының президенті Владимир Путинмен кездеседі және бірқатар құжатқа қол қойылады, сондай-ақ, жоғары технологияға арналған көрмені тамашаламақ.

Осыған дейін екі ел президенті Сочидегі «Валдай» халықаралық пікірсайыс клубының отырысында өткен панельдік сессия кезінде «Әлемдік құрылым: Шығыстың көзқарасы» тақырыбында мәлімдеме жасаған болатын.

"The Qazaq Times"