Şımkenttegi äl-Farabi audanı äkimdiginiñ bölim basşısı para alu deregi boyınşa tekserilip twrğan säti. Foto: Sıbaylas jemqorlıqqa qarsı is-qimıl agenttigi

Sıbaylas jemqorlıqqa qarsı is-qimıl agenttiginiñ baspasöz qızmeti 23 qazan küni Türkistan oblısı Jetisay audanı Qızılqwm selolıq okruginiñ äkimi men Şımkent qalasınıñ äl-Farabi audanı äkimdigi käsipkerlik böliminiñ basşısı para aldı degen küdikpen qılmıs üstinde wstalğanın habarladı.  

Qazaqstannıñ oñtüstiginde eki birdey äkimdik qızmetkeri sıbaylas jemqorlıq ayıbımen küdikke ilindi. Şımkent qalasınıñ äl-Farabi audanı äkimdigi käsipkerlik böliminiñ basşısı «sauda jasauğa rwqsat beru jäne käsipkerlik qızmetke jalpı qamqorlıq jasau üşin azamattan jalpı soması 65 mıñ teñge aldı» dep wstalıp, sotqa deyingi tergeudi bastalğan.

Sonımen qatar, osı taqilettes qılmıs boyınşa Türkistan oblısı Jetisay audanı Qızılqwm selolıq okruginiñ äkimi de jeke twrğın üy qwrılısına jer telimin beru üşin 500 mıñ teñge somasında para aldı dep ayıptalıp otır. Sotqa deyingi tergeu jalğasuda. Küdiktilerge qatıstı soñğı şeşimdi sot şığaradı.

Esteriñizde bolsa, ötken aptanıñ senbisi, 17 qazan elordadağı Almatı audanınıñ äkim orınbasarı men jañaözendik sud'ya para alğanı üşin 3 jılğa bas bostandığınan ayırılıp, qılmıstıq iske qatısı bar özge de ayıptaluşılarğa jaza tağayındalğan bolatın.

Künbe-kün örşigen jemqorlıqtıñ «saldarımen küres» qaşanğı jalğaspaq? Sıbaylas jemqorlıqtı qabıldau indeksi boyınşa 124-şi orınğa jayğasqan Qazaqstanda qazına wrılarınıñ ülkeni şalqıp, wsağı oñay twtılıp jür.

«Ayran işkeni qwtılıp, şelek jalağanı twtıla qoyatın» sıbaylas jemqorlıqpen küres sayasatınıñ kurs-bağdarın özgertuge aqjağalılardıñ batılı bara qoyar ma eken?

"The Qazaq Times"