سۆەتلانا جاقىپوۆا

ەڭبەك جانە حالىقتى الەۋمەتتىك قورعاۋ ۆيتسە-ءمينيسترى قىزمەتىنە ەرلان اۋكەنوۆ  تاعايىندالدى. سۆەتلانا جاقىپوۆا قىزمەتىنەن ءوز ەركىمەن كەتتى

پرەمەر-مينيستر سايتىندا: «قر ۇكىمەتىنىڭ قاۋلىسىمەن ەرلان مۇراتۇلى اۋكەنوۆ قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ۆيتسە-ءمينيسترى قىزمەتىنە تاعايىندالدى. بۇعان دەيىن اتالعان قىزمەتتى اتقارعان سۆەتلانا جاقىپوۆا ءوز قالاۋى بويىنشا جۇمىسىنان بوساتىلدى»، – دەلىنگەن.

قىزمەتى بارىسىندا س.جاقىپوۆانىڭ بىرنەشە مارتە باسى داۋعا قالعان. ماسەلەن، جىل باسىنان بەرى كوپ بالالى انالار ۇكىمەتتەن بەرىلەتىن جاردەماقىنىڭ تىم از ەكەندىگىن ايتىپ شاعىمدانعاندا، ۆيتسە-مينيستر جاڭا بوسانعان انالاردىڭ تىرلىككە ارالاسۋىن باسقاشا ەلەستەتەتىن كورسەتكەندەي بولدى. وعان شەنەۋنىكتىڭ مىنا ءسوزى دالەل: «مەن جۇمىسقا شىققان كەزدە بالام ءۇش ايعا تولماعان ەدى. ونىمەن بىرگە جۇمىس ىستەپ، ىسساپارعا دا شىعاتىنمىن. بىراق مەن جۇمىسقا اقشا تابۋ ماقساتىندا شىققان جوقپىن».

ۆيتسە-مينيستر لاۋازىمىنا جاڭادان سايلانعان ەرلان اۋكەنوۆ ءال-فارابي اتىنداعى قازاق ۇلتتىق ۋنيۆەرسيتەتىن، «بولاشاق» باعدارلاماسى بويىنشا برەدفورد ۋنيۆەرسيتەتىن، حالىقارالىق بيزنەس اكادەمياسىن، لوندون ەكونوميكا جانە ساياسي عىلىمدار مەكتەبىن تامامداعان. قر ءبىلىم جانە عىلىم مينيسترلىگىندە، «XXI عاسىر كوشباسشىسى» جاستار ورتالىعى» رقب، «قازاقستان جاستارىنىڭ كونگرەسى» زتب، «سامعاۋ» ۇلتتىق عىلىمي-تەحنولوگيالىق حولدينگi» اق ەڭبەك ەتكەن.

2010-2011 جىلدارى — شىعىس قازاقستان وبلىسى اكىمىنىڭ اپپاراتى باسشىسىنىڭ ورىنباسارى.

2011-2014 جىلدارى — قر پرەزيدەنتى اكىمشىلىگىنىڭ مەملەكەتتىك ينسپەكتورى.

2014-2015 جىلدارى — سولتۇستىك قازاقستان وبلىسى اكىمىنىڭ ورىنباسارى.

2015-2019 جىلدارى الماتى قالاسى اكىمىنىڭ ورىنباسارى لاۋازىمىن اتقاردى، الەۋمەتتىك ءال-اۋقات ماسەلەسى بويىنشا جەتەكشىلىك ەتكەن.

"The Qazaq Times"