ماڭعىستاۋ وبلىسى بويىنشا قارجىلىق مونيتورينگ اگەنتتىگى اۋماقتىق دەپارتامەنتىنىڭ جەدەل-تەرگەۋ توبى قازاقستان رەسپۋبليكاسىنىڭ ەنەرگەتيكا ۆيتسە-ءمينيسترى جۇماباي قاراعاەۆتى، ەلەكتروندىق ساۋدا الاڭدارىنىڭ باسشىلارىن جانە ماڭعىستاۋ وبلىسىنداعى سۇيىتىلعان مۇناي گازىنىڭ باعاسىن نەگىزسىز كوتەرۋگە قاتىسى بار تۇلعالاردى ۇستادى. بۇل تۋرالى قارجىلىق مونيتورنيگ اگەنتتىگىنىڭ ءباسپاسوز قىزمەتى حابارلادى.
ج.قاراعاەۆقا قاتىستى سوت قاۋلىسىمەن تەرگەۋ ورگانى سايلاعان جانە وبلىس پروكۋراتۋراسى قولداعان ەكى اي مەرزىمگە «كۇزەتپەن ۇستاۋ» تۇرىندەگى بۇلتارتپاۋ شاراسى سانكتسيالاندى.
تەرگەۋ جالعاسۋدا. وزگە اقپارات تەرگەۋ مۇددەسىندە جاريا ەتۋگە جاتپايدى.
قاراعاەۆ 2019 جىلدىڭ جەلتوقساننان باستاپ — قازاقستان رەسپۋبليكاسىنىڭ ەنەرگەتيكا ۆيتسە-ءمينيسترى قىزمەتىن اتقارعان.
2 قاڭتاردا ەلدىڭ باتىس ولكەلەرىندە باستالعان سۇيىتىلعان گازدىڭ بىردەن ەكى ەسەگە ءوسىپ كەتۋىنە قارسى بەيبىت شەرۋ وتكەن. سوڭىندا ەلدىڭ بارلىق ايماقتارىندا جاڭاوزەن حالقىن قولداپ بەيبىت شەرۋگە شىققان. بەيبىت شەرۋدىڭ سوڭى لاڭكەستەردىڭ ارالاسۋىمەن قاندى قاقتىعىسقا ۇلاسىپ ەلدە توتەنشە جاعداي جاريالانعان. ەل بيلىگى گاز باعاسىن 180 كۇنگە دەيىن 50-70 تەڭگە ارالىعىنا ءتۇسىرىپ گازدى نەگىزسىز كوتەرگەندەرگە قىلمىستىق ءىس قوزعاعان.
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟