تۇركيا پرەزيدەنتى رەجەپ تايىپ ەردوعان. فوتو: http://live.saudigazette.com.sa

تۇركيا ءسۇريادا جۇرگىزىلەتىن اسكەري وپەراتسياعا دايىندىقتى اياقتادى. بۇل تۋرالى ەل پرەزيدەنتى رەجەپ تايىپ ەردوعان مالىمدەدى.

ەردوعان سوزىندە: «تۇركيا سيريادا باستايتىن اسكەري وپەراتسياعا دايىندىقتارىن ءتامامدادى. اقش ءبىزدىڭ ستراتەگيالىق سەرىكتەسىمىز. سونداي-اق ناتو قۇرامىندا وداقتاس ەلمىز. دەگەنمەن، ءبىز رەسمي ۆاشينگتوننىڭ لاڭكەستىك ۇيىمدارعا جاساعان قولداۋىنا كوز جۇما المايمىز. بۇگىندە ايماق «يراك پەن لەۆانت لاڭكەستىك ۇيىمنان» ازات ەتىلدى. الايدا، ونىڭ ورنىنا سيرياداعى ۇساق ۇيىمداردان بىرىككەن «دەموكراتيالىق كۇش» توبى شىقتى. ونىڭ باسقا لاڭكەستىك ۇيىمداردان ەش ايىرماشىلىعى جوق»، – دەيدى.

تۇركيا باستاعان اسكەري جورىق كۇرتتەردىڭ باقىلاۋىنداعى جەرلەردى سودىرلاردان تازارتۋدى ماقسات ەتەدى. الايدا، بۇل قادامنىڭ قاشان وڭ ناتيجە بەرەرى بەيمالىم.

6 قىركۇيەكتە تۇرىك پرەزيدەنتى رەجەپ تايىپ ەردوعان ءسۇريانىڭ سولتۇستىگىندە قاۋىپسىزدىك ايماعىن قۇرۋ ءۇشىن تۇركياعا حالىقارالىق قولداۋ كورسەتىلمەسە، ميلليونداعان بوسقىندار ءۇشىن ەۋروپاعا شەكارا ايقارا اشىلاتىنىن ەسكەرتكەن بولاتىن. سونىمەن قاتار، رەسمي انكارا ەۋروپا ەلدەرىنەن لوگيستيكالىق كومەك سۇراعان. وسىعان بايلانىستى، بوسقىندار مەن بەيبىت تۇرعىنداردىڭ سۇرياداعى قاۋىپسىزدىگىن قامتاماسىز ەتۋگە قولداۋ كورسەتەتىن بىردەن-ءبىر مەملەكەت اقش بولعاندىقتان، تۇركيا اتالعان ماسەلەنى امەريكالىق اسكەرلەرمەن بىرلەسە شەشۋگە بەل بۋعان.

9 قىركۇيەكتە تۇركيا مەن اقش اسكەرلەرى ءسۇريانىڭ ەۆفرات وزەنىنەن شىعىس اۋدانداردا قاۋىپسىزدىك ايماعىن قۇرۋ ماقساتىندا بىرلەسكەن وپەراتسيا وتكىزگەن. كەيىننەن رەسمي انكارا ۋاشينگتوننىڭ بۇل ىستەنەمقۇرايدىلىق تانىتىپ وتىرعانىن حابارلاعان.

"The Qazaq Times"