فوتو: bbc.com برازيليانىڭ باس پروكۋرورى شەنەۋنىكتەردىڭ قاتىسى بار قىلمىستىق ءىستى جوعارعى سوت قارۋىنا جىبەردى

برازيليانىڭ باس پروكۋرورى ەلدىڭ جوعارعى سوتىنا برازيليالىق ساياساتكەرلەر مەن شەنەۋنىكتەردىڭ ۇستىنەن جەمقورلىققا بايلانىستى تولىق تەكسەرىس جۇمىستارى جۇرگىزىلسىن دەگەن تالاپپەن ارىز تاستادى دەپ حابارلايدى bbc.com. 

باس پروكۋرور رودريگۋ جانو  جوعارعى سوتقا 83 ءىس بويىنشا تەرگەۋ جۇمىستارىن جۇرگىزۋ تۋرالى سۇرانىس جىبەردى. سونىمەن قاتار، جەمقورلىققا بايلانىستى تومەنگى ساتىداعى سوتتاردا قارالىپ جاتقان 211 ءىستىڭ جوعارعى سوتتا قايتا قارالىپ، تولىققاندى تەرگەۋ جۇمىستارىنىڭ جۇرگىزىلۋىن تالاپ ەتۋدە.

ەگەر بۇل قىلمىستار اشىلاتىن بولسا، برازيليادا  جەمقورلىققا بايلانىستى ۇلكەن داۋ شىعۋى مۇمكىن. بىراق  ەلدە بۇل ماسەلە وسى ۋاقىتقا دەيىن دە ءالى شەشىمىن تابا الماي كەلەدى.

جانونىڭ ارىزدارى برازيليالىق Odebrecht قۇرىلىس كونتسەرنىنىڭ توپ-مەنەدجەرلەرىنىڭ بەرگەن كۇالىگى مەن ايعاقتارىنا نەگىزدەلىپ وتىر.

قاڭتار ايىنىڭ سوڭىندا جوعارعى سوت ءتورايىمى كارمەن لۋسيا Odebrecht كومپانياسىنىڭ قىزمەتكەرلەرىمەن بىرىگىپ جەمقورىلققا بايلاىستى تەرگەۋ جۇمىستارىنىڭ جۇرگىزىلۋنە رۇقسات بەرگەن بولاتىن.

Odebrecht - برازيليانىڭ Petrobras  مەملەكەتتىك مۇناي-گاز كومپانياسىنىڭ مەردىگەرى ءارى وڭتۇستىك امەريكاداعى ەڭ ءىرى قۇرىلىس كومپانياسى بولىپ تابىلادى.

«The Qazaq Times»