پرەزيدەنت بولسونارۋعا 9 ءتۇرلى ايىپ تاعىلدى. فوتو: The Conversation

برازيليا پرەزيدەنتى جاري بولسونارۋ پاندەمياعا قارسى كۇرەس جاۋاپكەرشىلىنە تارتىلۋى مۇمكىن. مۇنداي ۇسىنىستى سەناتتىڭ ارناي كوميتەتى العا قويدى. 

11 ادامنان تۇراتىن پانەلدىڭ 7 مۇشەسى پرەزيدەنت بولسونارۋعا قاتىستى تاعىلعان 9 ايىپتى قولدادى. بۇل ايىپتاردىڭ قاتارىندا ادامزاتقا قارسى قىلمىس تا بار. بۇگىن، 27 قازان سارسەنبى كۇنى كوميتەت توراعاسى ومار ازيز باس پروكۋراتۋراعا شاعىمدى تاپسىردى.

بۇل ايىپتارعا قاتىستى پىكىرىندە پرەزيدەنت بولسونارۋ ءوزىنىڭ جازىقسىز ەكەنىن ايتىپ كەلەدى. الايدا، برازيليادا كوروناۆيرۋستان 600 مىڭنان استام ادام قازا تاپقانى رەسمي انىقتالعان. بۇل الەم بويىنشا اقش-تان كەيىنگى ەكىنشى ورىن.

كوپتەگەن برازيليالىقتار پاندەميا باستالعاندا برازيليا پرەزيدەنتىنىڭ سالعىرت ساياساتى ەلدەگى ىندەتتىڭ كەڭ جايىلىپ، اقىر سوڭى اۋىر داعدارىسقا الىپ كەلدى دەپ سانايدى. پرەزيدەنت بولسونارۋ پاندەميا باستالعاندا مەيلىنشە سالقىنقاندىلىق تانىتقان، ءتىپتى ىندەتتىڭ بار ەكەنىنە سەنبەگەن پرەزيدەنتتەردىڭ ءبىرى بولدى.

The Qazaq Times