قىركۇيەك ايىنىڭ 6-ى كۇنى الماتى قالاسىندا وتكەن جسدپ «اقيقات» پارتياسىنىڭ 15-سەزىندە قازىرگى باسشىلارعا سەنىمسىزدىك ءبىلدىرۋ تالقىلانىپ، پارتيا توراعاسى ەرمۇرات باپي قىزمەتىنەن كەتتى. ونىڭ ورنىنا اسحات راقىمجانوۆ توراعا بولىپ سايلاندى. وسىعان بايلانىستى ءبىز جاقىندا عانا پارتياعا مۇشە بولىپ قابىلدانعان وپپوزيتسيالىق ساياساتكەر جانبولات مامايدىڭ پىكىرىن بىلدىك.
«بۇل - تازا بيلىكتىڭ جاساعان ستسەناريى. ويتكەنى ەرمۇرات باپي بۇل پارتيادا ءبىراز رەفورمالار جۇرگىزگىسى كەلدى. بۇل جەرگە تاۋەلسىز، ازات ازاماتتاردى الىپ كەلگىسى كەلدى جانە الدا كەلە جاتقان پارلامەنت سايلاۋىندا «نۇروتانعا» كادىمگىدەي تويتارىس بەرەتىن كۇشكە اينالدىرعىسى كەلدى بۇل پارتيانى. بىراق وزدەرىڭىز كورىپ وتىرسىزدار، وكىنىشكە وراي بيلىكتىڭ ۇيىمداستىرعان ستسەناريىمەن وسىنداي وزگەرىس بولىپ جاتىر ول جەردە. سوندىقتان بۇل پارتيا ەندى ناعىز ءولى پارتياعا اينالدى دەۋگە بولادى» - دەدى ماماي.
بۇدان بولەك جانبولات ماماي "The Qazaq Times" ءتىلشىسىنىڭ: «ءسىز ەندى پارتيا قۇرامىنان شىعاسىز با؟» دەگەن ساۋالىنا: «ارينە شىعامىن. مەن بۇنداي پارتيادا بولا المايمىن» - دەپ جاۋاپ بەردى.
بۇگىن تاڭەرتەڭ بولعان جسدپ «اقيقات» پارتياسىنىڭ 15-سەزىندە ەرمۇرات باپي بولعان جاعدايدى پارتيا ىشىندەگى الاۋىزدىق دەپ باعالاپ، «ەلدەگى جالعىز وپپوزيتسيالىق پارتيانى جەرلەدىڭىزدەر» دەپ، وتىرىس بىتپەي جاتىپ زالدان شىعىپ كەتكەن.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى
