قىرعىزستان باس پروكۋراتۋراسى بۇرىنعى پرەزيدەنت المازبەك اتامباەۆتىڭ 20 جىلجىمايتىن مۇلكىنە سالىنعان بۇعاتتى شەشتى.

بىشكەك قالاسىنداعى جال-23 ىقشام اۋدانىنداعى كوپ قاباتتى تۇرعىن ۇيدەن، وسى ۇيدەگى 18 پاتەردەن، سونىڭ ىشىندە "اسسوتسياتسيا تەلەراديوورگانيزاتسي" زاڭدى تۇلعا بىرلەستىگەنەن بۇعات الىنىپ تاستالدى. سوڭعىسى - "اپرەل" تەلەارناسىنىڭ قۇرىلتايشىلارىنىڭ ءبىرى.

اتامباەۆقا قوزعالعان قىلمىستىق ءىس اياسىندا ونىڭ جانە تۋىستارىنىڭ 135 ءتۇرلى جىلجيتىن جانە جىلجىمايتىن مۇلكىنە بۇعات سالىنعان. تەرگەۋشىلەر بۇرىنعى پرەزيدەنتتىڭ باسقا دا مۇلىكتەرىن ىزدەستىرىپ جاتىر.

باس پروكۋراتۋرا اتامباەۆ پەن ونىڭ جاقىن تۋىستارىنىڭ بۇعاتتالعان مۇلىكتەرىنىڭ سوڭعى ءتىزىمىن جاريالاۋعا ۋادە بەردى.

بۇرىنعى پرەزيدەنت المازبەك اتامباەۆ 8 تامىزدا قوي-تاش اۋىلىنداعى ۇيىندە ۇستالدى. ول 26 قازانعا دەيىن قاماۋدا بولادى. باس پروكۋراتۋرا ەكس-پرەزيدەنتكە 14 ءتۇرلى قىلمىس بويىنشا كۇدىك كەلتىرىپ وتىر.

"The Qazaq Times"