مالتانىڭ گوتسو ارالىنداعى تەڭىزگە سۇعىنا ورىن تەپكەن تەرەزە فورماسىنداعى جارتاس قۇلادى. كۇشتى تەڭىز تولقىندارىنىڭ اسەرىنەن ەرەكشە كورىنىس قالىپتاستىرعان تەرەزە ءپىشىندى جارتاس، تۇڭعيىق تەڭىز سۋىنىڭ ۇستىندە تۇرعاندىقتان «كوك تەرەزە» دەگەن اتقا يە بولعان ەدى.
"كوك تەرەزە" تەڭىزدەگى داۋىل سالدارىنان قۇلاپتى. ونىڭ كۇندەردىڭ بىرىندە كوزدەن عايىپ بولاتىنىن عالىمدار 2013 جىلى ايتقان بولاتىن. الايدا، وعان ءالى ونداعان جىلدار بار دەپ بولجاعان. ايتسە دە، كوك تەرەزە كوپكە شىدامادى. وسىلايشا، ەكى جاعىنىڭ ديامەترى مەن ۇزىندىعى 100 مەتر، كەڭدىگى 20 مەتر كەلەتىن ەرەكشە تابيعات جاراتىلىسى ادامزات كوزىنەن ماڭگىگە عايىپ بولدى.
"كوك تەرەزە" مالتانىڭ ايگىلى كوركەم كورىنىستەرىنىڭ، تاڭعاجايىپ تابيعات نىشاندارىنىڭ ءبىرى ەدى. ونى ءجۇز مىڭداعان ساياحاتشىلار تاماشالايتىن. ونىڭ قۇلاۋى ءبىراز ادامنىڭ كوڭىلىن قۇلازىتقانى انىق. بۇل تۋرالى مالتانىڭ پرەمەر-ءمينيسترى دجوزەف مۋسكات «اقىرى عالىمدار ايتقان قايعىلى كۇن دە جەتتى، كوك تەرەزەدەن ايىرىلدىق» دەپ جازدى. كوك تەرەزە دۇنيەجۇزىلىك مۇرا رەتىندە يۋنەسكو تىزىمىنە ەنگەن. ول تانىمال كينوتۋىندىلاردا كورىنىس تاپقان. وسىلايشا، ادامزات تاعى ءبىر ەرەكشە تابيعات جاۋھارىنان كوز جازىپ قالدى.
قۇلاعان كوك تەرەزەنىڭ ورنى. فوتو: segodnya.ua
"The Qazaq Times"
24 قازان – كىتاپحاناشىلار مەرەكەسى قۇتتى بولسىن!
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
VI Digital Almaty: مينيسترلىك فورۋمدى قازاقشا وتكىزۋگە ۋادە بەردى
ينتەللەكتۋالدى پوەتيكالىق دراما. «9 گرامم»
نازارباەۆ "قۇرمەتتى سەناتور" اتاعىنان ايىرىلدى