اقش پەن يزرايل يۋنەسكو قۇرامىنان شىقتى

اقش پەن يزرايل رەسمي تۇردە يۋنەسكو قۇرامىنان شىقتى. بۇل تۋرالى cdn.news حابارلادى.

ەندى قوس مەملەكەت تە يۋنەسكو-عا جارنا تولەمەيدى جانە ۇيىم كوميتەتىنە سايلانا المايدى. بىراق، بۇل سەرىكتەستىككە نۇكتە قويىلدى دەگەن ءسوز ەمەس. اقش ۇيىمدا تۇراقتى باقىلاۋشى رەتىندە قالۋدى جوسپارلاپ وتىر.

2011 جىلدان يۋنەسكو قۇرامىنا پالەستينا اۆتونومياسى قابىلدانعاننان باستاپ اقش پەن يزرايل ۇيىمنىڭ بۇل ارەكەتىنە تۇبەگەيلى قارسىلىق بىلدىرگەن. رەسمي ۋاشينگتون يۋنەسكو-نى «يزرايلگە قارسى باعىت ۇستانادى» دەپ ايىپتاپ، 2017 جىلى ۇيىم قۇرامىنان شىعاتىنىن جاريالاعان بولاتىن. ال يزرايل يۋنەسكو پالەستينانى قولداۋشى دەپ بىرنەشە مارتە ايىپ تاقتى.

1945 جىلدان بەرى جۇمىس ىستەيتىن يۋنەسكو – بۇۇ-نىڭ ءبىلىم عىلىم، مادەنيەت جانە ءبىلىم بەرۋ سالاسىن قاداعالايتىن ۇيىم.

"The Qazaq Times"