ازىق-تۇلىك تاپشىلىعى قىسىپ، ۆاليۋتاسى قۇنسىزدانعان تۇركىمەنستاندا مەيرامدار سانى ارتتى. جاقىندا قويىلعان الابايدىڭ التىن مۇسىنىنەن كەيىن «الاباي كۇنى» اتتى جاڭا مەرەكە پايدا بولدى.
بۇل مەرەكە تۇركىمەنستان ءوزىنىڭ ۇلتتىق قازىناسى دەپ سانايتىن اقال-تەكە جىلقىلارىنىڭ مەرەكەسىمەن ءبىر كۇندە اتاپ وتىلەدى.
25 ءساۋىر اشحابادتا الاباي تۇقىمدى يتتەر اراسىندا كونكۋرس وتكىزىلدى. جەڭىمپازدى پرەزيدەنت گۋربانگۋلى بەردىمۇحامەدوۆ پەن ونىڭ ۇلى سەردار ماراپاتتادى. ولار مەدالدى يت پەن ونىڭ يەسىنە تاپسىرعان.
بۇعان دەيىن تۇركىمەنستاندى 2007 جىلدان بەرى باسقارىپ كەلە جاتقان 63 جاستاعى بەردىمۇحامەدوۆ الابايلار تۋرالى 272 بەتتەن تۇراتىن كىتاپ جازعان. ال 2017 جىلى بەردىمۇحامەدوۆ رەسەي پرەزيدەنتى ۆلاديمير ءپۋتيننىڭ تۋعان كۇنىنە كۇشىك سىيلاعان.
قازىر تۇركىمەنستاندا ۆاليۋتا قۇنسىزدانىپ، حالىقتىڭ جاعدايى ناشارلادى. 1 ساۋىردە تۇركىمەنستان ۆاليۋتاسى قۇنسىزدانىپ، «قارا بازاردا» 1 دوللاردىڭ قۇنى 40 ماناتقا جەتتى. بۇل مەملەكەتتە بىرنەشە جىل بۇرىن بەكىتىلگەن رەسمي باعامنان 11 ەسە جوعارى. 2015 جىلى قاڭتاردا ۇكىمەت 1 دوللاردىڭ باعامىن 2,85 ماناتتان 3,5 ماناتقا كوتەرگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟