جوعارى رادا سايلاۋىندا زەلەنسكي پارتياسى الدا

ۋكراينا حالقى كەزەكتەن تىس جوعارعى رادا دەپۋتاتتارىن سايلادى.

سونىمەن، ۇلتتىق ەكزيتپولدىڭ كورسەتكىشى بويىنشا پارلامەنتكە حالىقتىڭ 5 جانە ودان دا كوپ داۋىسىن جيناعان 5 پارتيا وتەتىن بولدى. داۋىس بەرۋ قورىتىندىسى بويىنشا ۆلاديمير زەلەنسكيدىڭ «حالىق كەڭەسشىسى» پارتياسى – 43,9%; «ءومىر ءۇشىن وپپوزيتسيالىق پلاتفورماسى» – 11,5%; پەتر پوروشەنكونىڭ «ەۋروپامەن ىنتىماقتاستىق» پارتياسى – 8,9%; يۋليا تيموشەنكونىڭ باتكيۆششينا «جالپىۋكراينالىق بىرلەستىك» پارتياسى – 7,6%; مۋزىكانت سۆياتوسلاۆ ۆاكارچۋكتىڭ «گولوس» پارتياسى – 6,3% داۋىسقا يە بولدى.

ەكزيت-پول جاريالاعان ناتيجەدەن كەيىن ۋكراينا پرەزيدەنتى ۆلاديمير زەلەنسكي: «بۇل بىزگە دەگەن سەنىم عانا ەمەس، ۇلكەن جاۋاپكەرشىلىك. سوعىستى توقتاتىپ، تۇتقىنداعى ۋكرايندىقتاردى قايتارۋ جانە جەمقورلىقپەن كۇرەس جولىندا ەڭبەك ەتەمىز. ۋكراينا حالقىنا ۋادە ەتكەن بارلىق زاڭدىڭ باستامالاردى مىندەتتى تۇردە ورىندايمىز»، – دەدى.

ۋكراينا حالقى بۇل جولى دا 2014 جىلعى پارلامەنت سايلاۋى سياقتى پروپورتسيونالدى-ماجوريتارلى سايلاۋ جۇيەسىمەن داۋىس بەردى. وعان 22 پارتيا، 6 مىڭعا جۋىق كانديدات قاتىسقان.

18 مامىردا ۋكراينا پرەزيدەنتى جوعارى رادانى تاراتۋ تۋرالى جارلىق قابىلداعان بولاتىن. زەلەنسكي كومانداسى جوعارعى رادانى مەرزىمىنەن بۇرىن تاراتۋدى پارلامەنت كواليتسياسىنداعى دەپۋتتاتاردىڭ ازدىعىمەن ءتۇسىندىردى. بۇعان دەيىن كواليتسيانى «ساموپوموشش» جانە «باتكيۆششينا» پارتيالارى تاستاپ كەتكەن. قازىرگى ۋاقىتتا پارلامەنتتە «پەتر پوروشەنكو بلوگى» مەن «حالىق فرونتىنىڭ» 226 دەپۋتاتى بار. بۇل سانى جاعىنان پارلامەنتتىڭ جارتىسى عانا.

"The Qazaq Times"