ۇكىمەت وتىرىسىندا پرەزيدەنت قاسىم-جومارت توقاەۆ «بولاشاق» باعدارلاماسىنا قاتىسۋ تالاپتارىن سىنعا الىپ، كەي بولىمدەرىن وزگەرتۋدى مىندەتتەدى.

مەملەكەتتىك قىزمەتكەر ءبىلىم الۋ ماقساتىمەن ۋاقىتشا شەتەلگە كەتكەندە ونىڭ لاۋازىمىنا ەكىنشى ادام نەبارى ءبىر-اق جىلعا تاعايىندالادى. سونىمەن قاتار، ەلدەگى ءبىلىم جانە عىلىم مەن ۇلتتىق ەكونوميكا مينيسترلىكتەرىندە ۆيتسە-مينيسترلەردىڭ اتالعان باعدارلاما اياسىندا ءوز قىزمەتتەرىن تاستاپ كەتكەندەرى كوپ. سول سەبەپتى قاسىم-جومارت توقاەۆ باعدارلامانى قايتا قاراپ، تالاپتارىن وزگەرتۋدى تاپسىردى.

مەملەكەت باسشىسى سوزىندە: «مۇنداي مىسالدار از ەمەس، تومەن دەڭگەيدەگى بىرنەشە مەكەمەدە دە وسىنداي جاعداي بولعان. قىزمەتكەرلەر باسشىسىنا كەلەدى دە، «مەنى «بولاشاق» باعدارلاماسىمەن وقۋعا جىبەرىڭىز» – دەيدى. ال ونىڭ ورنىنا باسقا بىرەۋ ۋاقىتشا وتىرا تۇرادى. بۇل مەملەكەتتىك قىزمەت ەمەس. ساباقتاستىق قايدا، قىزمەتكەرلەردىڭ ينستيتۋتسيونالدىق زەردەسى قايدا؟ 45 جاستان كەيىن قايداعى «بولاشاق» باعدارلاماسىمەن وقۋ؟ پرەزيدەنت اكىمشىلىگى باعدارلاماعا قاتىسۋ تالاپتارىنا وزگەرىس ەنگىزۋى ءتيىس. ساياسي قىزمەتشىلەر ءوز ءبىلىمىن جەتىلدىرۋگە قۇقىلى. بىراق مەملەكەت ەسەبىنەن ەمەس، بوس ۋاقىتىندا ءوز قالاۋىمەن اينالىسقاندارى ءجون»، – دەدى.

"The Qazaq Times"