قازاقستان پارلامەنتى قۇزىرىن كەڭەيتۋ ءۇشىن داۋىس بەردى

پارلامەنت  پالاتالارىنىڭ   بىرلەسكەن وتىرىسىندا دەپۋتاتتار اتا زاڭعا وزگەرىستەر ەنگىزۋ تۋرالى زاڭ جوباسىنىڭ ەكىنشى ءارى سوڭعى مارتە وقىلۋىندا، ەل بيلىگىن ۋكىمەت، پارلامەنت، پرەزيدەنت اراسىندا ۇلەستىرۋ تۋرالى شەشىم قابىلدادى دەپ حابارلايدى bbc.com.

دۇيسەنبىدە ەلدى ساياسي باسقارۋداعى پرەزيدەنت بيلىگىنىڭ ءبىر بولىگىن پارلامەنت پەن ۇكىمەتتىڭ قۇزىرىنا بەرۋ تۋرالى وزگەرىستەر ەنگىزىلدى.

ەندىگى ۇكىمەت  مەملەكەتتىك باعدارلامالار، بىرىڭعاي قارجىلاندىرۋ جۇيەسى، مەملەكەتتىك بيۋدجەتتەن قارجىلاندىرىلاتىن بارلىق مەكەمەلەردەگى قىزمەتكەرلەردىڭ جالاقىسى  جانە باسقا دا ماسەلەلەرگە بايلانىستى  شەشىمدەر قابىلداۋ مەن جارلىقتار شىعارۋعا تولىقتاي قۇقىلى.

سونىمەن قاتار، بۇل زاڭ جوباسى ءماجىلىستىڭ  قۇزىرىن كەڭەيتىپ، ۇكىمەتتىڭ قۇرىلىمىنا ارالاسۋعا جانە پارلامەنتتىڭ مينيسترلەر كابينەتىنە باقىلاۋ جاساپ، باسقارۋىنا مۇمكىندىك بەرەدى.

ءماجىلىس دەپۋتاتى نۇرلان ءابدىروۆتىڭ ايتۋىنشا: "ەلباسى نۇرسۇلتان نازارباەۆ قالىپتاستىرعان  رەسپۋبليكانىڭ قىزمەت پرينتسىپتەرىن ساقتاۋ تۋرالى كونستيتۋتسياعا وزگەرتۋلەر ەنگىزىلدى".

 2016 جىلدىڭ جەلتوقسان ايىندا  نۇرسۇلتان ءابىشۇلى ارنايى كوميسسياعا ەل باسقارۋداعى پرەزيدەنتتىك بيلىكتى ۇكىمەت پەن پارلامەنتتىڭ قۇزىرىنا دا ۇلەستىرۋ تۋرالى  ماسەلەنى قاراستىرۋعا تاپسىرما بەرگەن بولاتىن. وزگەرىس ەنگىزىلگەنىنە قاراماستان،  قازاقستان پرەزيدەنتتىك باسقارۋداعى مەملەكەت بولىپ قالاتىندىعىن اتاپ وتكەن .

“The Qazaq Times”