پەتيتسيا: «تۇڭعىش پرەزيدەنت تۋرالى» زاڭىنىڭ كۇشى جويىلسىن!

قازىر ەلدىڭ ءار تۇكپىرىندە ەكس پرەزيدەنت نازارباەۆقا تيىسپەۋشىلىكتى قامتاماسىز ەتەتىن «قر تۇڭعىش پرەزيدەنتى – ەلباسى» تۋرالى كونستيتۋتسيالىق زاڭنىڭ كۇشىن جويۋدى تالاپ ەتكەن پەتيتسياعا قول جيناۋ ءجۇرىپ جاتىر.

پەتيتسيا ماتىنىندە:

«سوناۋ 2000 جىلى قابىلدانعان «تۇڭعىش پرەزيدەنت تۋرالى» قازاقستان رەسپۋبليكاسىنىڭ زاڭىنا سايكەس، تۇڭعىش پرەزيدەنتكە جانە ونىڭ وتباسىنا تولىق يممۋنيتەتكە كەپىلدىك بەرىلەدى، اتاپ ايتقاندا:

1. تۇڭعىش پرەزيدەنتتى ۇستاۋعا، قاماۋعا الۋعا، تىنتۋگە، شاقىرۋعا بولمايدى. جاۋاپ الۋ ءۇشىن قاماۋعا الىندى.

2. نازارباەۆقا جانە ونىمەن بىرگە تۇراتىن وتباسى مۇشەلەرىنە تيەسىلى بارلىق مۇلىككە قول سۇعىلمايدى.

3. ەلباسى بانك شوتتارىنىڭ قول سۇعىلماۋىنا كەپىلدىك بەردى.

4. نازارباەۆ پەن ونىڭ وتباسى ءومىر بويى قورعاۋدا، ەلباسىنىڭ ءومىرى مەن دەنساۋلىعى مىندەتتى مەملەكەتتىك ساقتاندىرۋعا جاتادى.

5. زەينەتاقى الادى (پرەزيدەنتتىڭ ايلىق جالاقىسىنىڭ 80%-ى). ونىمەن بىرگە تۇرعان نازارباەۆتار وتباسىنىڭ ءاربىر مۇشەسىنە اي سايىنعى جاردەماقى تاعايىندالادى.

جاڭا قازاقستان ۇمتىلىپ وتىرعان ەركىن دەموكراتيالىق قوعامدا بۇل ارتىقشىلىقتار قابىلدانبايدى دەپ ەسەپتەيمىز، سونىمەن قاتار، تۇڭعىش پرەزيدەنتتىڭ وتباسى مەن باسقا دا تۋىستارىنىڭ تابىس كوزدەرى وتە كۇماندى. وسىنىڭ بارلىعى زاڭدى جانە وبەكتيۆتى تەرگەۋگە جاتادى، بىراق بۇل اتالعان زاڭعا قايشى كەلەدى. ءبىز بۇل زاڭنىڭ كۇشىن جويۋدى تالاپ ەتەمىز!»،-دەلىنگەن.

2 قاڭتاردا جاڭاوزەندە باستالعان بەيبىت شەرۋ ەلدىڭ بار اۋماعىنا دەرلىك قولداۋ تاۋىپ، جاڭاوزەندەكتەردى قولداۋعا، قىمباتشىلىققا قارسى ويىن ايتۋعا شىققان حالىق تىڭ اۋەلگى ەكونوميكالىق تالابى ساياسي تالاپقا ۇلاسقان. اراعا ارانداتۋشى لاڭكەستەر كىرىپ كەتىپ قاندا قاڭتار وقيعاسى تۋعان. سول ۋاقيعادان سوڭ نازارباەۆ اۋلەتى مۇشەلەرى لاۋازىمدى قىزمەتتەرىنەن كەتىپ، ۇزاق ۋاقىت ۇنسىزدىكتەن كەيىن نازارباەۆ 18 قاڭتاردا ۇندەۋ جاساپ، ءوزىنىڭ زەينەتكەر ەكەنىن، توقاەۆتىڭ قولىندا بارلىق بيلىك بار ەكەنىن مالىمدەگەن بولاتىن.