الماتى وبلىسى تالعار اۋدانىندا كالينينگە ارنالعان ەسكەرتكىشتەر الىنىپ تاستالدى.  تۇزدىباستاۋداعى كالينين ەسكەرتكىشى "الاش" ارىستارىنا ارنالعان ەسكەرتكىشكە اۋىستىرىلعاننان كەيىن، تالعار اۋداردىق مادەنيەت ءۇيىنىڭ الدىنداعى كالينينگە ارنالعان تاعى ءبىر ەسكەرتكىش الىنىپ تاستالدى. 

شاراعا باستاماشىلىق ەتكەن قوعامدىق ۇيىم مۇشەلەرىنىڭ ايتۋىنشا، وتارلىق داۋىردەگى ارىستارىمىزدىڭ قۇربان بولۋىنا، ۇلتتىمىزعا قاسىرەتتى تاڭبا باسقان كەڭەستىك تۇلعالاردى ەسكەرتكىشىن ۇلتتىڭ ۇلاعاتتى ءوز پەرزەنتتەرىنە ارنالعان ەسكەرتكىشتەرمەن اۋىستىرۋ ناعىز رۋحاني جاڭعىرعان ەلدىڭ كورىنىسى. بۇل وتارسىزدانۋ ءۇردىسىنىڭ زاڭدىلىعى دەپ سانايدى.

ايتا كەتەيىك، شارا "جەلتوقسان اقيقاتى" قوعامدىق ۇيىمىنىڭ باستاماسىمەن جۇزەگە اسۋدا جانە وعان تالعار اۋداندىق مادەنيەت ءبولىمىنىڭ قولداۋ كورسەتكەنىن دە ايتا كەتۋ كەرەك.

“The Qazaq Times”