الماتىدا شەرۋگە شىققان جاستاردى پوليتسيا قالاي ۇستادى؟

ماۋسىم ايىنىڭ 10-ىنان 11-ىنە قاراعان ءتۇنى الماتى قالاسىنىڭ تولە بي جانە وتەگەن باتىر كوشەلەرىنىڭ قيىلىسىندا ءبىر توپ جاستاردى پوليتسيا مەن ارنايى جاساق ساربازدارى ۇستادى.

;feature=youtu.be

شارۋشىلەر باستاپقىدا "تسەليننىي" كينوتەاترىنىڭ الدىنا جينالىپ، ايتىسكەر اقىن رينات زايىتوۆتى بوساتۋدى تالاپ ەتكەن. كەيىننەن رينات زايىتوۆ الاڭعا كەلىپ، بوستاندىققا شىققاندىعىن ايتىپ، ءوزىن قولداپ كەلگەن حالىقتان بەيبىت جولمەن تاراۋدى سۇراعان. بىراق جاستار "تسەليننىي" كينوتەاترىنىڭ الدىنان تومەن قۇلداپ، تولە بي كوشەسىمەن سايران اۆتو بەكەتىنە قاراي باعىت العان.

;t=22s

ءدال وسى كۇنى ساعات 18-00 شاماسىندا "الاتاۋ" ءداستۇرلى ونەر تەاترى الدىندا رينات زايىتوۆ پەن رەجيسسەر ەركىن راقىشەۆ باستاعان ءبىر توپ بەلسەندى كەزەكتەن تىس پرەزيدەنت سايلاۋىنىڭ قورىتىندىسىنا قارسى نارازىلىق اكتسياسىن ۇيىمداستىرعان. بىراق ولاردى كوپ ۇزاماي پوليتسيا مەن ارنايى جاساق ساربازدارى ۇستاعان. كەيىننەن الەۋمەتتىك جەلىلەردە بەلگىلى جۋرناليست ماقسات تولىقباي باستاعان بەلسەندىلەر "تسەليننىي" كينوتەاترىنىڭ الدىنا جينالىپ جاتقاندىقتارىن ايتىپ، بيلىك وكىلدەرىنەن رينات زايىتوۆتى بوساتۋدى تالاپ ەتكەن.

"The Qazaq Times"