پرەزيدەنت سايلاۋىنا ۇمىتكەرلەر قاسىم-جومارت توقاەۆتى جەڭىسىمەن قۇتتىقتادى.

ماۋسىم ايىنىڭ 9-ى كۇنى وتكەن كەزەكتەن تىس پرەزيدەنت سايلاۋىنىڭ exit poll قورىتىندىسى بويىنشا 70 پايىز داۋىسپەن الدا كەلە جاتقان قاسىم-جومارت توقاەۆتى پرەزيدەنتتىككە ۇمىتكەر ءامىرجان قوسانوۆ، دانيا ەسپاەۆا، امانگەلدى تاسپيحوۆ، سادىبەك تۇگەل، تولەۋتاي راحىمبەكوۆتار قۇتتىقتادى. اتاپ ايتقاندا، توقاەۆتىڭ باستى قارسىلاسى سانالعان ءامىرجان قوسانوۆ "Qazaqstan" تەلەارناسىنىڭ ەفيرىندە:

"سايلاۋدىڭ ناتيجەسىندە جەڭىسكە جەتكەن پرەزيدەنت قاسىم-جومارت توقاەۆتى جانە دە ونىڭ وسى سايلاۋ ناۋقانىندا ايتقان ەلەكتورالدى پروتسەسكە قاتىستى، ونىڭ ىشىندە بيلىك پەن قوعام اراسىنداعى ديالوگتى قالىپتاستىرۋ، بالاما پىكىرگە، سىني پىكىرگە ءتوزىمدى بولۋ تۋرالى ويلارىن قولداي وتىرىپ، وسى جەڭىسىمەن قۇتتىقتايمىن" - دەپ مالىمدەدى.

Exit poll قورىتىندىسى بويىنشا، قاسىم-جومارت توقاەۆ الدا كەلەدى. وعان سايلاۋشىلاردىڭ 70,13% داۋىس بەرگەن. ءامىرجان قوسانوۆ 15,39% داۋىسپەن ەكىنشى ورىندا.

"The Qazaq Times"