سايلاۋ كۇنى بولعان نارازىلىق اكتسيالارىندا 500-گە جۋىق ادام ۇستالدى.

ورتالىق سايلاۋ كوميسسياسىندا وتكەن بريفينگتە ىشكى ىستەر ءمينيسترىنىڭ ورىنباسارى مارات قوجاەۆ الماتى مەن نۇر-سۇلتاندا بولعان ميتينگتەرگە قاتىستى مالىمدەمە جاسادى. ونىڭ سوزىنشە، نارازىلىق اكتسياسى كەزىندە 500-گە جۋىق ادام ۇستالعان. قوجاەۆ الاڭعا جينالعان حالىقتى "ارانداتۋشىلار" دەپ اتاپ، ولاردىڭ بارلىعى زاڭ الدىندا جاۋاپ بەرەتىندىگىن ايتتى.

"پوليتسيا وزدەرىن زاڭعا ساي ۇستادى. ادامداردى ۇستاعاندا ەشقانداي قۇرال پايدالانعان جوق. الەۋمەتتىك جەلىلەردە تاراپ جاتقان "ادامدار پوليتسيا قولىنان قازا تاپتى" دەگەن اقپاراتتار شىندىققا جاناسپايدى" - دەدى قوجاەۆ.

ماۋسىم ايىنىڭ 9-ى كۇنى كەزەكتەن تىس پرەزيدەنت سايلاۋى كەزىندە نۇر-سۇلتان، الماتى جانە شىمكەنت قالالارىندا نارازىلىق اكتسيالارى ءوتىپ، پوليتسيا جۇزدەن اسا ادامدى ۇستادى. بۇعان دەيىن ءىىم سايلاۋ كۇنى پوليتسيا كۇشەيتىلگەن رەجيمدە جۇمىس ىستەيتىندىگىن مالىمدەگەن.

"The Qazaq Times"