فوتو: https://gdb.rferl.org

نورماندياداعى نەمىس باسقىنشىلىعىنا قارسى وداقتاستار وپەراتسياسىنىڭ 75 جىلدىعى فرانتسيادا اتالىپ ءوتتى.

Associated press باسىلىمىنىڭ حابارلاۋىنشا، سالتاناتتى شاراعا العاش بولىپ فرانتسيا پرەزيدەنتى ەممانۋەل ماكرون مەن ۇلىبريتانيا پرەمەر-ءمينيسترى تەرەزا مەي جەتكەن. قوس ەلدىڭ باسشىلارى وسى شايقاستا قازا تاپقان اعىلشىن جاۋىنگەرلەرىنە ارنالعان ەسكەرتكىشتىڭ العاشقى تاسىن قالادى. ماكرون سوزىندە: «75 جىل بۇرىن 25 مىڭعا جۋىق اعىلشىن جاۋىنگەرى فرانتسيانى ازات ەتۋ ءۇشىن نەمىس باسقىنشىلارىنا قارسى ءىرى وپەراتسياعا قاتىستى. ولاردىڭ ءبارى تاڭسارىدە قارشا بوراعان وق پەن ۇلكەن كەدەرگىلەرگە قاراماستان العا ۇمتىلدى. ءبىز بوستاندىعىمىز ءۇشىن كۇرەسكەن جاۋىنگەرلەردى ەشقاشان ۇمىتپايمىز»، – دەدى. ەندى وسى شارا اياسىندا تاعى ءبىر مەرەيتويلىق باسقوسۋ اقش پرەزيدەنتى دونالد ترامپتىڭ قاتىسۋىمەن كولۆيل-سيۋر-مەردە وتەدى.

1944 جىلى 6 ماۋسىمدا وداقتاس ەلدەر نەمىس اسكەرىنە قارسى ەڭ ءىرى تەڭىز وپەراتسياسىن باستاعان. نورمانديا جاعالاۋىنا 156 مىڭ سارباز ءتۇسىرىلدى. ولارعا 195 مىڭ تەڭىزشى قولداۋ كورسەتىپ، 11 جارىم مىڭنان استام ۇشاق پەن 7 مىڭعا جۋىق كەمە جۇمىلدىرىلعان ەدى.

"The Qazaq Times"