Foto: https://gdb.rferl.org

Normandiyadağı nemis basqınşılığına qarsı odaqtastar operaciyasınıñ 75 jıldığı Franciyada atalıp ötti.

Associated press basılımınıñ habarlauınşa, saltanattı şarağa alğaş bolıp Franciya prezidenti Emmanuel' Makron men Wlıbritaniya prem'er-ministri Tereza Mey jetken. Qos eldiñ basşıları osı şayqasta qaza tapqan ağılşın jauıngerlerine arnalğan eskertkiştiñ alğaşqı tasın qaladı. Makron sözinde: «75 jıl bwrın 25 mıñğa juıq ağılşın jauıngeri Franciyanı azat etu üşin nemis basqınşılarına qarsı iri operaciyağa qatıstı. Olardıñ bäri tañsäride qarşa borağan oq pen ülken kedergilerge qaramastan alğa wmtıldı. Biz bostandığımız üşin küresken jauıngerlerdi eşqaşan wmıtpaymız», – dedi. Endi osı şara ayasında tağı bir mereytoylıq basqosu AQŞ prezidenti Donal'd Tramptıñ qatısuımen Kol'vil'-syur-Merde ötedi.

1944 jılı 6 mausımda odaqtas elder nemis äskerine qarsı eñ iri teñiz operaciyasın bastağan. Normandiya jağalauına 156 mıñ sarbaz tüsirildi. Olarğa 195 mıñ teñizşi qoldau körsetip, 11 jarım mıñnan astam wşaq pen 7 mıñğa juıq keme jwmıldırılğan edi.

"The Qazaq Times"