رەسەي پرەزيدەنتى ۆلاديمير پۋتين مەن فرانتسيا پرەزيدەنتى ەممانۋەل ماكرون تەلەفون ارقىلى سويلەسىپ، ۋكراينا تاقىرىبىن، ونداي-اق، جاھاندىق ازىق-تۇلىك قاۋىپسىزدىگىن تالقىلاعان. بۇل پرەزيدەنت ماكرون قايتالاي سايلانعاننان بەرى ەكى ەل باسشىسىنىڭ العاش رەت تەلەفوندا سويلەسۋى.
ديالوگ تۋرالى كرەملدىڭ رەسمي مالىمدەمەسىندە، ەكەۋارا اڭگىمە ءپۋتيننىڭ فرانتسۋز ارىپتەسىن قايتالاي سايلانۋمەن قۇتتىقتاۋدان باستالعان. پۋتين ۋكراينادا بولىپ جاقان وقيعالار مەن كەلىسىمدەر بويىنشا ءوز تارابىنان بىرقاتار مالىمەتتەردى ورتاعا سالعان. بۇۇ باس حاتشىسى انتونيۋ گۋتەرريشپەن جاساسقان كەلىسىم بويىنشا "ازوۆستال" مەتاللۋرگيالىق زاۋىتىندا قورشاۋدا قالعان بەيبىت تۇرعىنداردى شىعارۋ بويىنشا مالىمەتتەر بولىسكەن.
پۋتين سوزىندە ەۋروپا وداعىنا مۇشە ەلدەر مەن ناتو مۇشەلەرى تەك رەسەيدىڭ ءىس-قيمىلدارىن قاداعالاپ، ۋكرايندىق كۇشتەردىڭ سوعىس قىلمىسىنا تەڭ ارەكەتتەرىنە كوزجۇما قاراپ وتىر دەپ ايىپتاڭان. پۋتپن بۇل ءۇشىن ۋكراينا كۇشتەرىنىڭ دونباسس پەن وزگە شىعىس ايماقتارداعى قالا-كەنتتەردى بومبالاۋ ارەكەتتەرىن العا تارتادى. سونداي-اق، پۋتين ۋكراينانى قارۋمەن قامداپ جاتقان باتىس ەلدەرىن ايىپتاپ، مۇنداي قادامنىڭ سوعىستى تىپتىدە ءورشىتۋ ەكەنىن ايتقان.
بۇدان تىس ەكى ەل پرەزيدەنتى جاھاندىق ازىق-تۇلىك قاۋىپسىزدى بويىنشا بىرقاتار وزەكتى ماسەلەلەردى تالقىلاعان. تاراپتار ءوزارا ديالوگتى ساقتاپ تۇرۋعا ۋادەلەسكەن.
ايتا كەتەيىك، 24 اقپاندا سوعىس باستالعاننان بەرى پۋتين ەو ەلدەرى باسشىلارى اراسىنان پرەزيدەنت ماكرونمەن كوبىرەك ديالوگ جاسادى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
وقپەن باسىلعان قاڭتار: يراندا بيلىك حالىقتى قارۋمەن باسىپ جاتىر
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى